Genesis 4:1 - সান্তালী বাইবেল

¹ Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

Genesis 4:1 Iomraidhean Croise

Genesis 3:15

Iń do am ar maejiu talare ar amren bõsko ar maejiuko hotete hijukʼkan bõsko talare bạiriń janam ocoya. Ona bõsren mitʼ hoṛ do amakʼ bohokʼe gejer tama ar am do uniyakʼ iḍim sogagtaea.”

Genesis 3:24

Nonkate uni do unkine laga ńirketʼkinạ. Ona tayom uni do jion dare ṭhen calakʼ reakʼ horre horhoe lạgitʼ Eden bagwan purub secʼre Kerubkine dohoketʼkinạ, ar ona sãote onḍe mitʼṭecʼ jolokʼkan tarwaṛe hõe dohokeda ar ona do ạcur baṛaekan tahẽkana.

Genesis 4:2

Tayomte uniyakʼ kukhire Kainren boeha Habele janamena. Habel do bhiḍi gupikoe ehopʼena ar Kain do jumi cacasicʼe hoyena.

Genesis 4:25

Tayomte Adam do arhõ acʼren bạhu tulucʼe giticʼmitʼena ar Hawa do ar mitʼṭen koṛa hopone janamkedea. Ar uniyakʼ ńutum do Sethe dohoketʼtaea. Hawae menkeda, “Kain do Habele khũnkedete Isor do Habel bodolte armitʼṭen hopone emadińa.”

Genesis 5:29

Uni doe menkeda, “Aboakʼ khaṭaoakʼko modre, bạ̃ṛtikaete Probhu Isor do ote sarapatʼ tayom aboakʼ oka khaṭao hoyokʼkan onate nui gidrạge abo do jiwiye raṛejtabona.” Noa menkate uni do Noha ńutume dohoketʼtaea.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Numeri 31:17

Ńitokʼ do noko koṛa gidrạko ar tinạkʼ do herelakʼ mẽtʼãhãko ńelakatʼ nonkan joto maejiu do gocʼ giḍikakope;

1 Johan 3:12

Onateń meneda, Kạin leka jemon alo bon hoyokʼma. Kạin do Soetanren hoṛe tahẽkana uni do acʼren boehae khũnledea. Menkhan cedakʼe khũn ledea? Ente uni do bạṛicʼakʼkoe kạmiyetʼkan tahẽkana, ar uniren boeha do dhorome kạmikan tahẽkana.