Genesis 39:23 - সান্তালী বাইবেল

²³ Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Genesis 39:23 Iomraidhean Croise

Genesis 39:20

Unre Poṭiphor do hajotre Josephe bhoraokadea one oka ṭhạ̃ire raj bondiko dohoyetʼko tahẽkan. Menkhan Probhu Isor do hajotre hõ Joseph sãoteye tahẽkana. Uni do Probhu Isorre pạtiạugeye tahẽyena ar Probhu Isor do uniye dayawadete hajot khanaren sordarakʼ nońjorreye paṛao ocokedea.

Genesis 39:8

Menkhan Joseph do bae rebenlena. Uni doe menkeda, “Ńelme, noa oṛakʼre minạńte ińren kisạ̃ṛ do jãhãnakʼ reakʼ bae dạndikʼ kana. Uni do acʼakʼ jotowakʼko cetanre ińe dohoakadińa.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.