Genesis 39:2 - সান্তালী বাইবেল

² Probhu Isor do Joseph sãoteye tahẽkante joto lekan kạmireye jo baha ocoyede tahẽkana. Onate uni do Misriạ kisạ̃ṛakʼ oṛakʼreye doho ocoyena.

Genesis 39:2 Iomraidhean Croise

Genesis 21:20

Isor do uni gidrạ ńel todarote ehopʼena, ar uni gidrạ doe sẽṛã idiyena. Uni do hahaṅkarreye tahẽyena ar akʼ sar enecʼreye paka idiyena.

Genesis 21:22

Ona oktere Abimelek ar acʼren maraṅ senapoti Pikol do Abraham ṭhen hecʼkatekin menkeda, “Am jãhãnakʼgem kạmiyetʼ amakʼ joto kạmirege Isor do am sãote menaea.

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 26:28

Onkoko menkeda, “Ale do ńitokʼ saphatele ńeleda Probhu Isor do am tulucʼ menaea. Ar onatele ṭhik dohoakada am ar ale talare mitʼṭecʼ cukti tahen do jạruṛgea. Onate dela, noa bon kiriạlenge,

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 39:23

Joseph cetanre okako kạmi reakʼ bhar tahẽkan hajot khanaren sordar do ona bae ńel todarotetʼ tahẽkana, ente Probhu Isor do Joseph sãoreye tahẽkana, ar Joseph do jotowakʼ kạmiregeye jo baha ocokedea.

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

2 Rapajko 18:7

Probhu Isor do uni são sãoteye tahenkan tahẽkana. Ar jãhãnakʼgeye kạmiyetʼ tahẽkan onaregeye jo bahakʼkan tahẽkana. Asurren raj upạrte hulkate uni do golam ar bae khaṭaolena.

1 Bõsbudạ 9:20

Ona jokhecʼ Eliaserren hopon Pinehas cetanre do rurukhiyạko ńel todarotko reakʼ bhar tahẽkana ar Probhu Isor hõ uni sãoteye tahẽkana.

2 Bõsbudạ 1:1

Dạudren hopon Solomon do acʼakʼ rajosṭi ạḍi kajakge acʼ tabereye dohokeda, ente uniren Probhu Isor do uni sãoteye tahẽkana ar ạḍiye maraṅkedea.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Aposkạmi 8:31

Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

1Timothi 6:1

Okoe golamiko khạṭaokʼkan onko sanamkoge akoren kisạ̃ṛko manot ocokʼlek menteko bujhạukoma, jemon okoe hõ Isorakʼ ńutum ar aboakʼ sikhạuna aloko nindạu daṛeakʼ.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 6:27

Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

1 Samuel 16:18

Uniren kạmiyạko modre mitʼ hoṛe menkeda, “Iń do Bethlehemre Jisạiren mitʼṭen hoponiń ńelakadea. Uni do ạḍi bhage peṛesaṅe banam daṛeakʼa. Uni do mitʼṭen dilan bir hõ kanae. Ar ạḍi napae kathae roṛa ar ńelokʼte hõe napaegea, ar Probhu Isor do uni sãote menaea.”

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Samuel 18:28

Sạul do unreye bujhạu daṛekeda, Probhu Isor do Dạud sãote menaea ar acʼren hoponera Mikal hõ Dạude dulạṛ edekana,

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.