Genesis 38:9 - সান্তালী বাইবেল

⁹ Onan doe baḍaekan tahẽkana, ona bõs do acʼakʼ baṅ hoyokʼtaea mente. Onate boeha hoykate bõs rukhiyại lạgitʼ tinạkʼ dhao hilit era tulucʼe giticʼmitʼen unạkʼ dhaoge acʼakʼ herelteakʼ itạ do otreye giḍikada.

Genesis 38:9 Iomraidhean Croise

Genesis 38:10

Menkhan uniyakʼ noa kạmi iạte Probhu Isor do bae kusilena. Onate uni hõ jiwetʼ do bae tahẽ ocowadea.

Jobakʼ 5:2

Khĩs do bebujicʼ hoṛe ses utạrea ar hiskạ do lelhayicʼe gojea.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Dosar Biboron 25:5

“Boeha boeha mitʼ gharońjreko tahenre jãhãe begor gidrạwanteye gocʼlen khan, uniren rạnḍi maejiu do gharońj bahre eṭakʼ jãhãre bae bapla daṛeakʼa. Uniren erweltetʼ koṛa do uniye baplayea ar uni do dadattetʼ lạgitʼ bõse teṅgokoa.

Dosar Biboron 25:6

Ar uniren pạhilicʼ hoponge uniren gocʼ akanicʼ dadattetʼakʼ ńutume rukhiyạya ar uni boehawakʼ ńutum Israelko tala khon baṅ meṭaokʼtaea.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriyakʼ do alope ạuṛiyaga.

Jakob 3:16

ente okare hiskạ ar dola duli tahen onḍege gulmal ar joto lekan bedhoromakʼko hõ tahena.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Rut reakʼ kạhini 1:11

Naomiye menkeda, “Baṅa, bạhu, aben do oṛakʼtege ruạṛ calakʼ ben. Cedakʼ ạliń tulucʼ do ben calakʼa? Ạlińakʼ kukhire do cetʼ arhõ hoponkin janamokʼ reakʼ as menakʼa onate abenren jãwãekin hoedaṛekokʼ?

Rut reakʼ kạhini 4:10

Ar gocʼ akanicʼakʼ sompotti ar ńutum jemon rukhiyạkʼtae onate Mahlonren rạnḍi bạhu Rut hõ ińren bạhu menteń ataṅede kana. Ar onate bõsko tala khon ar atorenko tala khon gocʼ akanicʼakʼ ńutum do baṅ meṭaokʼtaea. Ape do teheń noa sanamakʼren gohakope hoyena.”