Genesis 38:26 - সান্তালী বাইবেল

²⁶ Jihudạ do onakoe ńel oromketʼteye menkeda, “Uni do iń khon ḍhere bhagegea, ente ińren hopon Sela sãote bạń bapla akadea.” Noa tayom uni do ar tishõ Tamor sãote bae giticʼ mitʼlena.

Genesis 38:26 Iomraidhean Croise

Genesis 37:33

Jakob do aṅgrop ńel ṭhikketʼteye menkeda, “Noa kicricʼ do ińren hoponakʼ kangea. Uni do kaṭaha janwarko jomkedea. Hẽ uni do kaṭaha janwar ṭhengeye or cirạ ocoakana.”

Genesis 38:14

Tamor doe ńelkeda, Selawakʼ umer hoyentaere hõ hońhartetʼ do acʼakʼ katha leka Sela sãote bae bapla edekana. Onate uni do rạnḍi kicricʼ bhạnduṛkate ṭuṭurikate kicricʼteye oyo potomena ar Enaim reakʼ duạr phaṭok ṭhen senkateye duṛupʼena. Ona Enaim do Timna calakʼ horrege tahẽkana.

Genesis 4:1

Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.”

2 Samuel 16:22

Unre hoṛko do chat cetanre Absalom lạgitʼ mitʼṭecʼ tạmbuko ṭaṅgaokeda ar uni do sanam Israelkoakʼ mẽtʼãhã samaṅre acʼ apatren chuṭki erako tulucʼ giticʼ midokʼ lạgitʼ onḍeye boloyena.

2 Samuel 20:3

Dạud Jerusalemre acʼakʼ oṛakʼteye ruạṛ hecʼen khan okoe gel goṭen chuṭki era oṛakʼ horhoe lạgitʼe doho oṭoletʼko onko do mitʼṭecʼ oṛakʼreye dohokatʼkoa ar oṛakʼ horhoe lạgitʼe bebostakeda. Uni do onko jom-ńũ ar kicricʼ khạnḍwạkʼkoe ematʼkoa menkhan onko ṭhen do ar bae bolo baṛalena. Ar onko do onḍe rạnḍi maejiu lekako tahẽyena ạuriko gujukʼ hạbicʼ.

2 Samuel 24:17

Okoe serma goḍet do hoṛkoe ńẽtʼetʼko tahẽkan Dạud do uniye ńelkede khan Probhu Isore metadea, “Ińgeń ghạṭ akada ar ińgeń behok akada. Menkhan noko bhiḍiko do cetʼko ceka akada? Onate eken iń ar iń ạpuńren bõskoge baṛe sạjạilem.”

Jobakʼ 4:5

Menkhan ńitokʼ do am cetanre kosṭo hecʼakana, ar am dom keklesetʼ akana; duk do ame ghạl akatʼmea ar am dom as chuṭạu akana.

Jobakʼ 40:5

Iń do mitʼ dhaoiń roṛakada, menkhan roṛ ruạṛ reakʼ cetʼge bạnukʼtińạ; dosar dhaoiń roṛakada, menkhan ar cetʼge bạń roṛa.”

Jeheskel 16:52

Amakʼ be-sonman do amge asen baṛae hoyokʼtama, ente amakʼ kạmiko do amren boeha kuṛikin secʼ gohae emetʼkana. Amakʼ kại do unkin khon hõ ḍher hirkhạwanakʼ kante am khon dhoromgekin hudisokʼkana. Onate am do lajaokʼme ar amakʼ be-sonman asen baṛaeme, ente am do amren boeha kuṛikin dhorom mentem sạbud ocoyetʼkinạ.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Johan 8:9

Noa katha ańjomkate onko mukhiyạko modre haṛam khon ehopʼkate mitʼ mitʼte jotoko calao cabayena. Eken Jisu eskargeye sarecʼ tahẽyena, ar acʼ samaṅre do uni maejiuge teṅgo akan.

Romiko lạgitʼ Pạul Apostolakʼ ciṭhi 13:12

Ńindạ do caba hecʼena, aṅgakʼ lạgidokʼ kana; onate dela, ńut reakʼ kạmi bạgikate marsal reakʼ khanḍa banḍa bon horokʼ joṅma.

Romiko lạgitʼ Pạul Apostolakʼ ciṭhi 3:19

Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

1 Samuel 24:17

Uni do Dạude metadea, “Aben do ạliń khon hõ ḍher ben dhoromgea, ente ạliń do aben tulucʼ ḍher bạṛicʼ liń beohar akatʼre hõ aben do bhage ben beohar akada.

1 Samuel 24:18

Ạliń lạgitʼ bhageakʼ ben kạmikan ona do teheń ben baḍae ocoketʼ lińạ. Probhu Isor do abenakʼ tireye soprotletʼ lińre hõ baben gocʼletʼ lińạ.