Genesis 38:19 - সান্তালী বাইবেল

¹⁹ Niạ tayom Tamor doe calaoena ar bohokʼ reakʼ kicricʼ giḍikate arhõ rạnḍi maejiuakʼ kicricʼe bandekeda.

Genesis 38:19 Iomraidhean Croise

Genesis 38:14

Tamor doe ńelkeda, Selawakʼ umer hoyentaere hõ hońhartetʼ do acʼakʼ katha leka Sela sãote bae bapla edekana. Onate uni do rạnḍi kicricʼ bhạnduṛkate ṭuṭurikate kicricʼteye oyo potomena ar Enaim reakʼ duạr phaṭok ṭhen senkateye duṛupʼena. Ona Enaim do Timna calakʼ horrege tahẽkana.

Genesis 38:18

Jihudại menkeda, “Cetʼ iń doho oṭokakʼa?” Uniye menkeda, “Baber sudhạ amakʼ mohor chap akatʼ amakʼ ti reakʼ ṭheṅga.” Unre Jihudạ do onako uni ṭhene doho oṭokatʼte uni tulucʼe giticʼmitʼena, ar onate Tamor doe bhạrti hoṛmoyena.

Genesis 38:20

Jihudạ do uni maejiu ṭhen khon ona bondhok dohoakan jinis ạguy lạgitʼ acʼren gate Adulam tite mitʼṭen merom hopone kolkedea. Menkhan uni do bae sendra ńam daṛeadea.

2 Samuel 14:2

Onate Joab do Tekoate hoṛ kolkate onḍe khon mitʼṭen cạtur maejiue hoho ạgukedea. Uniye metadea, “Am do homor halaṅokʼ reakʼem bhana. Am do hokʼmor halaṅ reakʼ kicricʼ horogme ar hoṛmore sunum alom ojoga. Ar nonkan maejiu lekam udugokʼa am do ḍher din khonem hokʼmor halaṅeda.

2 Samuel 14:5

Raj do uniye kulikedea, “Cetʼ muskilakʼrem paṛao akana?” Uni doe menkeda, “Sạri kathageń meneda, ińren jãwãe doe gocʼena, ar iń doń rạnḍi akana.