Genesis 37:10 - সান্তালী বাইবেল

¹⁰ Ar noa kukmũ do acʼ baba ar boehako ṭhene lạiketʼ khan apattetʼ do ruhetʼkedeteye metadea, “Noa do cetʼ lekan kukmũm ńelleda?” Amren eṅgam, ar amren dadamtako ar iń do cetʼ ombakʼkate amle ḍobokʼama?”

Genesis 37:10 Iomraidhean Croise

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 37:7

Ona do nonka, abo do khetre getʼakatʼ phosol reakʼ ạṭi bon toleda; menkhan hahaṛa do noage je, ińakʼ ạṭi do sojhete teṅgo akana. Ar ona tayom apeakʼ ạṭiko do ińakʼ ạṭi beṛhaete teṅgokate ińakʼ ạṭiko ḍobokʼada.”

Genesis 37:9

Noa tayom Joseph do arhõ mitʼṭecʼe kukmũkeda ar acʼren dadattetʼtakoe lạiyatʼkoa. Uni doe metatʼkoa, “Ńelpe, iń do arhõ mitʼṭecʼ kukmũń ńelakada. Ińiń ńelkeda siń cando ar ńindạ cando ar gelmitʼ ipilko do ińko ḍobokʼạń kana.”

Genesis 43:26

Ado Joseph oṛakʼteye hecʼena khan onko do akoakʼ ona dan oṛakʼ bhitriteko ạgukeda ar uniko emadete ombakʼkateko ḍobokʼadea.

Genesis 43:28

Onkoko roṛ ruạṛkeda, “Amren golam aleren baba do ńit hõe jiwetʼgea ar bogege menaea.” Ar noa menkate ombakʼkateko ḍobokʼadea.

Genesis 44:14

Jihudạ ar uniren boehako do tinre Josephakʼ oṛakʼteko ruạṛena unre Joseph hõ onḍeye tahẽkana. Onko do senkate ombakʼkateko ḍobokʼadea.

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.