Genesis 36:8 - সান্তালী বাইবেল

⁸ Ona iạte Esau do Seyir reakʼ buru ṭoṭha secʼ senkateye girobasena. Esauakʼ eṭakʼ ńutum do Edom hõ tahẽkana.

Genesis 36:8 Iomraidhean Croise

Genesis 25:30

Uni do Jakobe metadea, “Iń do ạḍiń laṅga akana. Amakʼ ona arakʼ jinis khon thoṛa jom ocoạńme.” Noa katha iạte Esauakʼ armitʼṭen ńutum do Edom hoyentaea (metakʼme “Arakʼ”).

Genesis 32:3

Jakob do acʼ lahate Seyirte, metakʼme Edom disạmte acʼren boeha Esau ṭhen thoṛa hoṛe kolketʼkoa.

Genesis 32:4

Uni doe roṛ gotʼkada acʼren kisạ̃ṛ Esau jemonko baḍae ocoye, uniren guti Jakob doe meneda, “Iń do Laban ṭheniń tahẽkana.

Genesis 36:1

Noa do hoyokʼkana Esau, metakʼme Edomren bõsko reakʼ katha.

Genesis 36:43

Magdiel ar Iram; Noko doko tahẽkana Edomren hapṛam Esau bõsren hoṛko ar Edomren sordarko. Ar disạm reakʼ oka ṭoṭhakore onkoko girobasokʼkan tahẽkan onkokoakʼ ńutum lekage onako ṭoṭha reakʼ ńutum do hoyakana.

Genesis 36:9

Noa do Seyir buru ṭoṭharen Edomkoren hapṛam Esauakʼ bõs reakʼ katha kana.

1 Bõsbudạ 4:42

Simeonko modre mõṛẽ sae hoṛ do Jisir hopon Polṭiạ, Niạriạ, Rophariạ ar Useyel do onkoren mukhiyạ benaokate Seyir ńutuman buru ṭoṭhako akromonkeda.

2 Bõsbudạ 20:10

“Ńitokʼ do Amonrenko, Moabrenko ar Seyir bururen hoṛko nonḍeko hecʼakana. Israelko tinre Misor khonko oḍok hecʼlena unre am do onkoakʼ disạmte bam bolo ocowatʼko tahẽkana. Ar onatege onko bako marao cabako baṅkate onko ṭhen khonko calaolena.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Obodiạ 1:1

Obodiạwakʼ dorson. Edom disạm babotre Probhu Isor do noa kathae roṛetʼkana. Ale do Probhu Isor ṭhen khon mitʼṭecʼ sombatle ańjom akada. Uni do jạt jạtrenko ṭhen mitʼṭecʼ goḍet kolkate noa katha lạlạiye metade tahẽkana, “Dela beretʼpe, Edom upạrte lạṛhại lạgitʼ bon oḍok calakʼa.”

Obodiạ 1:3

Am do huṭupʼ dhiri lopakʼrem girobasokʼ kana ar usul usul ṭhạ̃ikorem tahenkana ar mone monetem meneda, ‘okoe hale otre doe pheḍ daṛekińạ?’ Menkhan amakʼ ontor reakʼ bạḍạikoge am doe ṭhoka akatʼmea.

Dosar Biboron 2:22

Probhu Isor do Esao bõsrenko babotre hõ inạ mitʼ kạmigeye kạmileda. Uni do onko hotete Horikoe maraoletʼkoa. Onko do Horikoko laga ńirketʼkote onkoakʼ jaega Seyirre teheń hạbicʼko girobasokʼ kana.

Dosar Biboron 2:4

Ona tayom uni do apeko metape lạgitʼe metadińạ, ‘ńitokʼ do aperen Seyirren boeha Esao bõsrenkoakʼ rajosṭi talate calakʼ hoyokʼtapea. Ape ńelte onko do botor caṛhaoakoa menkhan sontor akae tahenpe.

Dosar Biboron 2:5

Esao bõsrenko lạṛhại lạgitʼ alope uskạukoa, ente onkoakʼ disạm reakʼ okaṭakʼ hĩs hõ bạń emapea, apeakʼ jaṅga dohoy reakʼ ṭhạ̃i hõ baṅa. Ente Seyir reakʼ noa buru ṭoṭhako Esao do acʼakʼ disạm lekateń emakawadea.

Josuạ 24:4

ar Isahak do Jakob ar Esao iń danadea. Seyir buru ṭoṭha do sompotti lekate Esaogeń emadea, menkhan Jakob ar uniren hoponko do Misor disạmteko calaoena.

1 Samuel 14:47

Sạul do Israelkoren raj hoyen tayom disạm beṛhaeten sanam bạiriko sãote, metakʼme Moabrenko, Amonrenko, Edomrenko, Sobaren rajko ar Philisṭiko sãoteye lạṛhạilena. Ar jãhã secʼge uniye calakʼkan tahẽkan onḍege ạḍiye khutiketʼtakoa.