Genesis 34:8 - সান্তালী বাইবেল

⁸ Menkhan Hamor do Jakob ar uniren hoponkoe metatʼkoa, “Ińren hopon do amren kuṛire ạḍi mon lagao akantaea. Onate ińren hopon tulucʼ amren hoponera baplaye lạgitʼ baṛe emokʼme.

Genesis 34:8 Iomraidhean Croise

Genesis 34:3

Ar Dinare ạḍi mon tolentaea. Uni do Dinae dulạṛkedea ar acʼakʼ dulạṛ reakʼ kathae baḍae ocokedea.

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

Genesis 34:9

Ar ale sãote bapla reakʼ bebostaepe. Aperen hoponerako emalepe ar aleren hoponerako hõ ape hataokope.

1 Rapajko 11:2

Onko do onako jạtren khongeko hecʼlena one okoe reaṅ Probhu Isor do Israelkoe metatʼko tahẽkan, “Onko do alope baplakoa, ente onko do khạṭige akoren debotako secʼ apeakʼ monko ạwiltapea.” Menkhan Solomon do onkogeye dulạṛketʼkoa.

Jobakʼ 7:2

Guti cetʼleka ạyubokʼ reakʼ koyokʼ hor akaeye tahen, ar din mujuri hõ cetʼleka acʼakʼ kuṛại lạgitʼe asokʼ,

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Sereńko 63:1

E Isor, am do ińren Isorge. Iń do amiń ńam baṛayetʼmea; noa khaṅgoṭ ar dakʼ bạnukʼ disạmre, one uni do phosol hoeocoy reakʼ daṛege caba akantae, onḍe do am lạgitʼ ińakʼ jiwi tetaṅokʼ kantińạ, ar am lạgitʼ ińakʼ hoṛmo do ahkaokʼ kana.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Jirimiạ 22:27

Ar okaṭakʼ disạmte ruạṛ hijukʼpe khojkan onḍe do tishõ bape ruạṛ hecʼ daṛeakʼa.”