Genesis 34:7 - সান্তালী বাইবেল

⁷ Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

Genesis 34:7 Iomraidhean Croise

Genesis 20:9

Unre Abimelek do Abraham hohoadeteye metadea, “Am do ale tulucʼ noa do cetʼlekam beoharkeda? Iń do am ṭhen cetʼ iń dos akatʼte iń ar ińakʼ rajosṭire nunạkʼ maraṅ kại reakʼ dayirem paṛao akadińạ? Nonka beohar do lek baṅ tahẽkantama.”

Genesis 34:6

Ar Sikemren apat Hamor do Jakob sãote katha roṛ lạgitʼ nagraha khone oḍok hecʼena.

Genesis 34:8

Menkhan Hamor do Jakob ar uniren hoponkoe metatʼkoa, “Ińren hopon do amren kuṛire ạḍi mon lagao akantaea. Onate ińren hopon tulucʼ amren hoponera baplaye lạgitʼ baṛe emokʼme.

Genesis 46:7

Jakob do acʼren hoponko ar goṛom gidrạko, metakʼme acʼ bõsren jotoko soṅgekate Misorteye calaoena.

2 Samuel 13:21

Dạud raj do noa katha ańjomkate ạḍiye raṅgaoena.

Sereńko 93:5

Amakʼ sanam katha do sạri utạrgea; E Probhu Isor, amakʼ oṛakʼ do sonot reakʼ sajte jaejug sajao akana.

Kạhtukko 7:7

Khaṭo bhudanko mod khoniń ńelkedea, juạnko modre mitʼṭen juạniń tạnkhikedea okoeyakʼ do khaṭo bud tahẽkantae.

Jirimiạ 29:23

ente unkin do Israelko talare ạḍi hirkhạwakʼ kin kạmi akada; unkin do aḍepaseren maejiuko tulucʼkin laṭghaṭ akada ar okaṭakʼ bạń menakatʼ kin unkin do ińakʼ ńutumte eṛeyakʼkin nạbi akada. Iń do onań baḍaegea ar onaren goha kạnạń. Iń Probhu Isorge noa katha doń meneda.”

Levitikus 4:13

“Ar goṭa Israel jạtrenko bạṛicʼakʼ reakʼ monsubạ doho baṅkate Probhu Isore mana akatʼ jãhãnakʼge begor baḍaeteko onkae enḍekhan onko do ona bako baḍae akatʼre hõ dusiko hoyokʼa.

Levitikus 4:27

“Israelko modren jãhãege monre kại reakʼ monsubạ doho baṅkate Probhu Isore mana akatʼ reakʼ jãhãnakʼe cekae enḍekhan uni hõ dusi hoṛe hoyokʼa.

1 Korinthiko 10:8

Onko modre ḍher hoṛgeko laṭ ghaṭletʼte mitʼ dinre bargel pe hajar hoṛko gocʼlena. Abo do onka alo bon loṭghuṭima.

1 Korinthiko 6:18

Sanam lekan loṭghuṭi khon ńir joṅpe. Ente manwa okakoe kạiyetʼkan ona do acʼakʼ hoṛmo bahrereye onkayeda; menkhan okoeye loṭghuṭiyetʼkan uni do acʼakʼ hoṛmo upạrtegeye kạiyeda.

Ephesiko lạgitʼ Pạul Apostolakʼ ciṭhi 5:3

Sanam lekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha Isorren hoṛkoakʼ do baṅ sajaokʼa.

Dosar Biboron 22:20

“Menkhan sạrikan khan ar kuṛi do kũạ̃ritetʼ mente bae pormanlen khan,

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Dosar Biboron 23:17

“Jãhãe Israelren maejiu jemon mundilren kusmbi aloe hoyokʼ; ar jãhãe Israel herel hõ mundilren kusmbi metakʼme alo jemone jogna ocokʼ.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

1Timothi 5:13

Ona chaḍa onko do oṛakʼ oṛakʼko ajare baṛaete kuṛhnikʼko ceda. Eken kuṛhnikʼko ceda ona do baṅ, menkhan nilạjiạ kathako roṛa ar eṭakʼkoakʼko oktawa ar baṅ ganokʼakʼ katha hõko roṛa.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Jakob 3:10

Aboakʼ inạ moca khonge sarhao ar sarap noa banarge oḍokokʼ kana. E ińren boehako, nonka hoyokʼ do baṅ bhagea.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Bikʼcạrko 20:6

Israelko talare nonkan bạṛicʼ ar hirkhạwakʼko kạmi akatʼte ińren chuṭi era doń phạṛikedea ar Israelkoakʼ gelbar goṭecʼ jaegare ona doń kolkeda.