Genesis 33:8 - সান্তালী বাইবেল

⁸ Unre Esaue menkeda, “Horre one okoe dolbolko sãoteń ńapamen onako do cetʼkana?” Jakobe menkeda, “Onko do ińren kisạ̃ṛ ṭhen dayań ńam lạgitʼ kanako.”

Genesis 33:8 Iomraidhean Croise

Genesis 32:5

Ińren do ḍaṅgrako, gadhako, bhiḍiko, meromko ar guti-kạ̃ṛmĩ sanamkoge menakʼkotińa. Ar ińren kisạ̃ṛ ṭhen dayań ńama aste laha khongeń baḍae ocoyetʼmea.”

Genesis 32:6

Onko hoṛ do ruạṛ hecʼkate Jakobko metadea, “Ale do amren boeha Esau ṭhenle senlena. Uni do ńitokʼ ponsae hoṛkoante am sãote ńapamokʼ lạgitʼe hijukʼkana.”

Genesis 33:7

Ona tayom do Lea ar acʼren gidrạko uniko ḍobokʼadea. Ar mucạtʼre do Rahel ar Joseph hõ unikin ḍobokʼadea.

Genesis 39:5

Joseph noako bhare em ocoyen tayom Joseph iạte Probhu Isor do uni Misri kisạ̃ṛakʼ jotowakʼe bhoratʼtaea. Probhu Isor do Poṭiphorakʼ oṛakʼ-duạr, ot-baṛge ar ona reakʼ jotowakʼgeye bhorada.

Ester 2:17

Eṭakʼ maejiuko khon raj do Esterge bạ̃ṛtiye dulạṛkedea ar eṭakʼ kũạri kuṛiko khon uni do raj ṭhen bạ̃ṛti daya ar dulạṛe ńamkeda. Onate raj do bohokʼre rạni ṭupriye horokʼadea ar Bạstiwakʼ jaegare Estere rạnikedea.