Genesis 33:4 - সান্তালী বাইবেল

⁴ Unre Esau do uni ṭhen ńir hecʼenteye hạṛupʼkedea are kokekedeteye cokʼadea. Ar ona tayom do bana hoṛkin rakʼana.

Genesis 33:4 Iomraidhean Croise

Genesis 29:11

Ona tayom do Rahele cokʼadete ãṭ aṛaṅte rarakʼe ehopʼena.

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Genesis 32:11

Nehõram kạnạń, ińren boeha Esauakʼ ti khon rukhiyạyińme. Enteń botorokʼ kana uni do hecʼkate aleye gocʼlea, gidrạ ar onkoren eṅgatko celege sarecʼ do bae doholeya.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Genesis 43:30

Boehae ńelkede khan Josephakʼ ontor do bhak bhakaoentaea. Uni do usạrate onḍe khone oḍokena ar acʼakʼ kandhare bolokate rarakʼe dhurạuena.

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Genesis 45:2

Uni do nunạkʼ ãṭ rarakʼe ehopʼena, ona do misriko hõko ańjom tiyokʼkeda ar Pharaoakʼ oṛakʼren hõko baḍae ocoketʼkoa.

Genesis 46:29

Joseph do acʼren apat Israel tulucʼ ńapamokʼ lạgitʼ acʼakʼ rãt gạḍiye sapṛaoketʼte Gosenteye calaoena. Ar apattetʼ sãote ńapam torage uni do hoṭokʼre hạṛupʼkedete ạḍi ghạṛicʼe rakʼkeda.

2 Samuel 14:33

Unre Joab do raj ṭhen senkate ona kathae lạiyadea. Ar raj do Absalome hohoade khan uni do raj samaṅre otreye ombakʼena. Unre raj do Absalome cokʼadea.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Jobakʼ 2:12

Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Luk 15:20

“Noa menkate uni doe beretʼente acʼ apat ṭhene calaoena. Ado sạṅgińreye tahẽkanrege uniren apattetʼ doe ńel ńamkedea ar ạḍi mãyã hecʼadea. Ar ńir senkate uniye hạṛupʼkedea are cokʼ cokʼadea.

Aposkạmi 20:37

Ar manḍerren sanam mukhiyạko do Pạul hạṛupʼ kedeteko cokʼadea ar rarakʼko ehopʼena.

1 Samuel 20:41

Uni koṛae calaoen khan Dạud do ona ḍạṅ akatʼ dhiri reakʼ dạkhin secʼ khone rakapʼ hecʼena. Uni do Jonathan samaṅre otreye ombakʼente pe dhaoe ḍobokʼadea. Ona tayom unkin dokin cokʼana ar rarakʼkin ehopʼena, tobe Dạud do ḍhergeye rakʼkeda.