Genesis 33:2 - সান্তালী বাইবেল

² Pạhilre uni do kạ̃ṛmĩkin ar unkinren gidrạkoe dohoketʼkoa. Ona tayom do Lea ar uniren gidrạko ar tayom utạrre do Rahel ar Josephe dohoketʼkinạ.

Genesis 33:2 Iomraidhean Croise

Genesis 29:16

Labanren do barea hoponerakin tahẽkana. Maraṅicʼakʼ ńutum do Lea ar huḍińicʼakʼ ńutum do Rahel.

Genesis 29:30

Jakob do Rahel ṭhen hõe boloyena. Menkhan uni do Lea khon Rahelge bạ̃ṛtiye dulạṛede tahẽkana. Ona tayom uni do arhõ eae bochor Laban tabereye tahẽyena.

Genesis 33:1

Jakob do horte calakʼ jokhecʼe ńelkeda, Esau do pon sae hoṛkowante acʼ secʼe hijukʼkana. Unre uni do Lea, Rahel ar unkin banar kạ̃ṛmĩ erakin talare acʼren gidrạkoe hạṭińketʼkoa.

Genesis 33:3

Menkhan acʼ do onko laha lahateye sen idiyena. Ar sen idikʼ jokhecʼ uni do otre eae dhao ombakʼkate dadattetʼe ḍobokʼadea ar nonkate uni ṭhene seṭerena.

Genesis 37:3

Haṛam umerren hopone tahẽkan iạte Israel do joto hoponko khon Josephge ḍhere dulạṛede tahẽkana. Ar mitʼṭecʼ tilpạṅ talpaṅ aṅgrope benaoade tahẽkana.

Jirimiạ 50:12

ona iạte aperen eṅgat do ạḍiye lajao ocokʼa; okoeye janam akatʼpe uni doe lajao ocokʼa. Jạt jạtrenko ṭhen joto khone copotʼ ocokʼa; uni do mitʼṭecʼ hahaṅkar, khaṅgoṭ ar khaṅkar ṭhạ̃igeye hoyokʼa.

Malaki 3:17

Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa.