Genesis 33:11 - সান্তালী বাইবেল

¹¹ Isor do ạḍiye daya akawạdińa, ar ińakʼ do ḍherge menakʼtińạ. Ona iạte okaṭakʼ daniń ạguakatʼ ona do dayakate hataome.” Jakob nonkae nehõren khan Esau do onkoe ataṅketʼkoa.

Genesis 33:11 Iomraidhean Croise

Genesis 30:43

Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.

Genesis 32:21

Dan reakʼ jinisko acʼ lahate calaoenre hõ ona ńindạ hõ onḍegeye tahẽyena.

Genesis 33:10

Jakobe menkeda, “Baṅ, baṅ, nehõram kạnạń, iń cetanre amakʼ daya menakʼ khan enḍekhan noako dan baṛe hataotińme. Ar tinre kusi montem ataṅińạ unre iń ṭhen do Isorakʼ mẽtʼãhã ńel lekage hoyokʼtińạ.

Genesis 33:12

Tayomte Esaue menkeda, “Dela, ńitokʼ do bon senokʼma. Ar iń do am sãotegeń calakʼa.”

Genesis 33:9

Menkhan Esaue menkeda, “Eya, ḍherge hoyakana. Amakʼ oka menakʼtam ona do amakʼge tahẽ ocowakʼme.”

2 Rapajko 2:17

Menkhan onkoko jormoṭkede khan lajaoenteye metatʼkoa, “Ṭhikgea, Do calakʼpe.” Unre onko mõṛẽgel hoṛko do Eliạ sendraye lạgitʼko calaoena. Ar pe din hạbicʼko sendrakedea ar bako ńamledea.

2 Rapajko 5:23

Namane menkeda, “Pegel are keji do cedakʼ? Am do eaegel irạl keji hataome.” Ar onako hatao lạgitʼ uni do Gehosiye jormoṭkedea ar eaegel irạl keji rupạ barea thạilạkʼreye tolketʼte bar joṛa kicricʼe emadea. Uni do acʼren barea gutikin onakoe ematʼkinạ ar unkin do Gehosi laha lahatekin gokʼ idikeda.

Luk 14:23

Onate kisạ̃ṛ do golame metadea, ‘am do nagraha bahre soṛokkote oḍok calakʼme ar hijukʼ lạgitʼ hoṛko jormoṭkom, jemon oṛakʼ do perejokʼtiń.

1 Korinthiko 3:21

Onate okoe hõ jãhãe manwa iạte alope sarhaokʼa, ente jotoge coṅ apeakʼkan;

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

Philipiko lạgitʼ Pạul apostolakʼ ciṭhi 4:18

Ińakʼ jotogeń ńam caba akada. Ar ińakʼ oka jạruṛ ona khon hõ bạ̃ṛti menakʼtińạ. Ephaphroditus tite apeakʼ daniń ńamketʼte ińakʼ do ḍher hoyakantińạ. Noa danko do mońj so reakʼ mahkaokʼ ar samaṅokʼakʼge,

1Timothi 4:8

Hoṛmo bhańjaore porho do ńamokʼgea, menkhan Isor bhokti do joto secʼ khon porhowanakʼ kana; onare do nahakʼ reakʼ ar darakan jion reakʼ as menakʼa.

Josuạ 15:19

Uniye menkeda, “E baba, ińakʼ mitʼṭecʼ katha dohoytińme. Am do tinre Negeb hahaṅkar jaegam emakana unre dakʼ jharnako hõ imạńme.” Niạ katha ańjomkate Kaleb do onḍenakʼ usul ar latar jaega reakʼ dakʼ jharnakoe emadea.

Bikʼcạrko 1:15

Aksae menkeda, “E ba, ińakʼ mitʼṭecʼ katha dohoyme. Am do Negebre jaegam emakawạdińa onate onḍenakʼ dakʼ jharnako hõ imạńme.” Noa katha ańjomkate Kaleb do onḍenakʼ usul ar latar jaegako reakʼ dakʼ jharnako hõe emadea.

1 Samuel 25:27

Amren kạ̃ṛmĩ acʼren mạlik lạgitʼ oka sandese ạguakatʼ ona do jemon uni soṅgeten hoṛko emocokʼ.

1 Samuel 30:26

Siklogte ruạṛ hecʼkate Dạud do Jihudạ gusṭiren murubbiko ṭhen luṭteakʼ jinis reakʼ thoṛa hĩse kolkeda. Onko do uniren gateko tahẽkana. Uni do onko ṭhen niạ kathae roṛgotʼkada, “Probhu Isorren bạiriko ṭhen khon luṭ ạguwakʼ jinisko reakʼ thoṛa dan do ape ṭheniń kolkeda.”