Genesis 32:9 - সান্তালী বাইবেল

⁹ Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 32:9 Iomraidhean Croise

Genesis 17:7

Noa bondobos do eken am ar iń talare tahena ona do baṅ; ona do amren hoponko ar ińre piṛhike piṛhi hạbicʼ calakʼa. Noa do hoyokʼa jaejug reakʼ bondobosge. Niạ bondobos do amakʼ ar am tayom bõsren hoṛkoren hõ Isoriń hoyena.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Genesis 31:29

Apeakʼ loksantape reakʼ ektiạri bạnukʼ tạliń ona do baṅa. Menkhan Abenren hapṛamkoren Isor do hola ńindạ ạlińe menakawatʼ lińa, “Men sontorokʼme! Jakob do boge bạṛicʼ jãhãnakʼ cetʼge alom metaea.”

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 32:8

Uni doe hudiskeda, Esau hecʼkate mitʼ dolrenkoe ńẽtʼlekore eṭakʼ dolrenko doko dạṛ pạnḍucʼ daṛeakʼa.

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

2 Bõsbudạ 20:6

“E Probhu, aleren hapṛamkoren Isor, am dom semaren Isor kana. Am do sanam jạtrenkoakʼ rajosṭikom ḍanṭaoeda. Daṛe ar ektiạri do amakʼ tirege ar celege am do bako teṅgo daram daṛeama.

2 Bõsbudạ 32:20

Ona iạte Hiskiạ raj ar Amosren hopon Jesaea do koejoṅ hotete sermaren Isor ṭhen rakʼ joṅkin ehopʼena.

Sereńko 50:15

Amakʼ muhinre hohowạńme; iń do amiń bańcaomea ar am do ińem manotińạ.”

Sereńko 91:15

Uniye hohowạńreń ańjomtaea; ar muhinre uni sãoteń tahena; uni doń rukhiyạyea ariń manotea.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Jirimiạ 32:16

“Jumi kiriń reakʼ dolel do Neriạren hopon Baruk emade tayom iń do Probhu Isor ṭhen noań koekeda,

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.