Genesis 32:31 - সান্তালী বাইবেল

³¹ Jakob do tinre Peniel khone mohnḍayena unre siń cando doe rakapʼena. Ar acʼakʼ bulu iạte kheṛdokʼ kheṛdokʼe taṛam idikeda.

Genesis 32:31 Iomraidhean Croise

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Genesis 19:15

Setakʼen khan unkin serma goḍet do Lot usạrae lạgitʼkin metadea, “Ma usạragod me. Amren bạhu ar amren banar kuṛi okoe do nonḍe menakʼkin unkin salakʼ oḍok hijukʼme. Ar baṅkhan oka sạjại noa nagraha cetanre pheḍ hijukʼkan onare am hõm paṛaokʼa arem ḍahao marao utạrokʼa.”

Genesis 19:23

Lot do tinre Soarteye seṭerena unre siń cando doe rakapʼena.

Genesis 32:25

Uni hoṛ do tinreye ńelkeda, Jakob bae bhagao daṛeae kana unre uni do Jakobakʼ ḍubhi jaṅe joṭetʼketʼtaea. Onate uniyakʼ bulu reakʼ jaṅ do ṭhik jaega khon ocokʼentaea.

Genesis 32:32

Onate Israelko do bulu joṛao cetan reakʼ jel teheń hạbicʼ bako joma, ente bulu reakʼ joṛao ṭhenge Jakob doe joṭetʼ ocolena.

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

1 Rapajko 18:26

Okoeṭakʼ ḍaṅgra onkoko hataoan uniko getʼ khanḍa khunḍikedete mońjteko tearkedea. Ona tayom onko do setakʼ khon tikin hạbicʼ Bakʼal debotako hohoadea. Ar ãṭ aṛaṅte hohoaeko ehopʼena, “E Bakʼal debota, de roṛ ruạṛaleme baṛe.” Menkhan cetʼ roṛ ruạṛge bako ńamleda. Ar onko do pinḍko beṛahaete enejokʼko ehopʼena.

Sereńko 38:17

Iń doń bhindạṛokʼ kana; ińakʼ kosṭo reakʼ katha do jaoge monre jagao ạńkana.

Exodus 24:11

Israelkoren noko mukhiyạko do Isorko ńelkedere hõ bako gocʼlena. Onko do uniko ńelkedea arko jom ńũkeda.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

2 Korinthiko 12:7

Iń ṭhen ạḍi lekanakʼko sodorakante alo jemoniń usulokʼ, onate kosṭo emạń lạgitʼ ińakʼ hoṛmore mitʼṭecʼ jạnum, metakʼme Soetanren goḍete emadiń tahẽkana.

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Dosar Biboron 5:24

Unre ape dope menleda, ‘aboren Probhu Isor do acʼakʼ ṭhonok ar daṛeye ńel ocoketʼbona ar seṅgel tala khon uniyakʼ aṛaṅle ańjomakada. Teheń ale dole bujhạu daṛeakʼkana, Isor jãhãe ṭhen kathae roṛle khan hõ uni do jiwetʼe tahẽdaṛeakʼa mente.

Dosar Biboron 5:26

Manwako modre okoe menaea, abo leka seṅgel tala khon jiwetʼ Isorakʼ aṛaṅ ańjomkate hõ jiwetʼ menaegea mente?

Bikʼcạrko 6:22

Gideon do Probhu Isorren goḍet kanae menteye bujhạuketʼ khane menkeda, “Hae hae, E Probhu Isor, iń do Probhu Isorren goḍet samna sạmniń ńelkedea!”

Bikʼcạrko 6:23

Menkhan Probhu Isor do uniye metadea, “Suluk hoyokʼtam ma, ar alom botorokʼa. Am do bam gujukʼa.”

Bikʼcạrko 8:8

Gideon do onḍe khon Penuelteye rakapʼ calaoena ar onḍenko hoṛ hõ piṭhại koeketʼkoa. Menkhan Sukotren hoṛko cetʼlekako metade onkage onko hõko menkeda.