Genesis 32:30 - সান্তালী বাইবেল

³⁰ Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Genesis 32:30 Iomraidhean Croise

Genesis 16:13

Noa katha ańjomkate Hagar do mon monteye menkeda, “Iń do cetʼ sạrige uniń ńelkedea one uniyakʼ mẽtʼãhã samaṅre minạń?” Hagar sãote okoeye roroṛkan tahẽkan, uni Probhu lạgitʼge Hagar do unreye menkeda, “Am dom Isor kana, iń do am samaṅre minạńa.”

Genesis 28:19

Ar ona jaega reakʼ ńutum do Bethele dohokeda (metakʼme, “Isorakʼ oṛakʼ ”). Noa jaega sor reakʼ nagraha do Lus ńutum tahẽkana.

Genesis 35:9

Jakob do Padam-Aram khone hecʼen khan Isor do arhõ uni ṭhene ńel ocoyena ar bhoradeteye metadea, “Amakʼ ńutum do Jakob tahẽkana, menkhan Jakob mente do arbam hoho ocokʼa; amakʼ ńutum do hoyokʼa Israel.” Ar noa menkate uniyakʼ ńutum do Israele dohoketʼtaea.

1 Rapajko 12:25

Ona tayom Jerobiam do Eprayim buru ṭoṭha reakʼ Sikem do gaṛ nagraha lekae benaokeda ar onḍe girobasokʼe ehopʼena. Uni do onḍe khon senkate Penuel hõ gaṛ lekae benaokeda.

Exodus 33:14

Probhu Isore roṛ ruạṛketʼa, “Ińge am sãoteń calakʼa ar amiń jirạu ocomea.”

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

1 Korinthiko 13:12

Abo do ńitokʼ ạrsire pusṭạute babo ńeleda, menkhan unre samna sạmni bon ńel ńama. Iń do ńitokʼ okań baḍaekan ona do purạute bạń baḍaea, menkhan Isor do cetʼleka purạteye baḍaeyediń kan, unre onkage purạteń baḍaea.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

2 Korinthiko 4:6

Ale do noale porcaretʼ kana, ente okoeye menletʼ tahẽkan, “Ńut khon marsal hoyokʼ ma,” Uni Isorge aboakʼ ontorreye bamberena, jemon uniyakʼ mạhima bujhạu lạgitʼ marsal sodorokʼ. Ar noa mạhimage Mạsiyakʼ mẽtʼãhãre menakʼa.

Galathiko lạgitʼ Pạul Apostolakʼ ciṭhi 1:6

Mạsiyakʼ dayate okoe do acʼren hoṛ hoyokʼ lạgitʼe hohowatʼpe tahẽkan, uni bạgikate usạra eṭakʼ lekan bhage sombat secʼpe ạwil akan ńelte iń doń hahaṛakʼ kana.

Ephesiko lạgitʼ Pạul Apostolakʼ ciṭhi 1:17

Ar koejoṅ jokhecʼ apeakʼ katha do bạń hiṛińeda. Iń doń koejoṅ kana jemon aboren Probhu Jisu Mạsiren Isor, metakʼme uni ṭhonokren Baba do jiu reakʼ akel ar bujhạu lạgitʼ daṛeye danape, jemon uni do arhõ bạ̃ṛtipe baḍae daṛeae.

Dosar Biboron 34:10

Teheń hạbicʼ Israelko talare Mose lekan ar cele nạbiyakʼ janam hõ baṅ hoyakana one uni tulucʼ Probhu Isor do gate leka samna sạmniye galmaraoetʼ tahẽkan.

Dosar Biboron 5:24

Unre ape dope menleda, ‘aboren Probhu Isor do acʼakʼ ṭhonok ar daṛeye ńel ocoketʼbona ar seṅgel tala khon uniyakʼ aṛaṅle ańjomakada. Teheń ale dole bujhạu daṛeakʼkana, Isor jãhãe ṭhen kathae roṛle khan hõ uni do jiwetʼe tahẽdaṛeakʼa mente.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

2Timothi 1:10

Menkhan ńitokʼ aboren babańcaoicʼ Jisu Mạsi do noa dhạrtiteye hecʼente ona dayaye sodorakada. Mạsi do morone bhagao akada ar bhage sombat hotete bin maraokʼ jion reakʼ kathae sodorakada.

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Josuạ 5:13

Jerikho sorko seṭeren khan Josuạ do bocʼ tarwaṛe tire menakʼtae mitʼṭecʼ hoṛ acʼ samaṅre teṅgo akane ńelkedea. Unre Josuạ do uni ṭhen sorenteye kulikedea, “Am do okoe secʼren kanam aleren, se bạiriko secʼren?”

Bikʼcạrko 13:17

Onate Manoho do Probhu Isorren goḍete kulikedea, “Amakʼ ńutum do cetʼtam? Ente amakʼ katha purạukʼre ạliń do amliń manotmea.”

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”

Bikʼcạrko 8:17

Uni do Penuelakʼ gaṛe dhaṅdhaserkeda ar onḍenko hoṛe gocʼ cabaketʼkoa.

Bikʼcạrko 8:8

Gideon do onḍe khon Penuelteye rakapʼ calaoena ar onḍenko hoṛ hõ piṭhại koeketʼkoa. Menkhan Sukotren hoṛko cetʼlekako metade onkage onko hõko menkeda.