Genesis 32:24 - সান্তালী বাইবেল

²⁴ Onate Jakob do eskargeye tahẽyena. Unre mitʼṭecʼ hoṛ do hecʼkate ạuri aṅgakʼ hạbicʼ uni tulucʼe lạṛhạiyena.

Genesis 32:24 Iomraidhean Croise

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Genesis 30:8

Unre Rahele menkeda, “Isor do maraṅ lạṛhạire ińren boeha khone jitạu akadińa.” Onate uni gidrạwakʼ ńutum do Napthaliye dohoketʼtaea (metakʼme “Lạṛhại”).

Genesis 32:23

Ar cetʼko tahẽkantae onako joto do onko sãoteye kolgotʼkada.

Genesis 32:25

Uni hoṛ do tinreye ńelkeda, Jakob bae bhagao daṛeae kana unre uni do Jakobakʼ ḍubhi jaṅe joṭetʼketʼtaea. Onate uniyakʼ bulu reakʼ jaṅ do ṭhik jaega khon ocokʼentaea.

Genesis 32:28

Uni hoṛe menkeda, “Isor ar manwa sãote lạṛhạikatem jitạu akante amakʼ ńutum Jakob do baṅ tahena, amakʼ ńutum do hoyokʼa Israel (metakʼme ‘Isor tulucʼ lạṛhạiyicʼ ’).”

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Exodus 14:27

Unre Mose do acʼakʼ ti jalapuri secʼe tiạrkeda. Ar setakʼ jokhecʼ jalapuri reakʼ dakʼ do arhõ mitʼ ruạṛena. Misriko do unreko ńir baṛakeda, menkhan Probhu Isor do jalapuri reakʼ ḍheoteye ḍombol idiketʼkoa.

Soros sereń 2:17

E ińren dulạṛiạ, ruạṛ hijukʼme baṛe; tin hạbicʼ baṅ aṅga marsalokʼ ar ńut ạuri cabakʼ un hạbicʼ am do tahenme. Buru rindiṛkore juạn jhaṅkaṛ jel baṛe hoyokʼme, selepʼ jel leka baṛe hoyokʼme.

Jesaea 32:2

Onkoren mimitʼko do birbão hoe khon okokʼ jaega ar hoe dakʼ khon danaṅokʼ jaegako hoyokʼa, ar khaṅgoṭ jaegare do ạtukʼ dakʼ lekako hoyokʼa, ar loraokʼkan disạmre do mitʼṭecʼ dhiri reakʼ umul lekankoge.

Daniel 10:8

Onate iń eskarge ona dorson do ńeńeliń ehopʼena. Ińre jãhãn daṛege baṅ tahẽlena, ińakʼ mẽtʼãhã do keklesetʼentińạ ar iń doń laṅga idiyena.

Luk 13:24

“Sakṛa duạrte bolokʼ lạgitʼ lạgiyạ paṛaokʼpe. Ińiń metapekana, ḍher hoṛge bolokʼ lạgitʼko kurumuṭuya, menkhan bako bolo daṛeakʼa.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Romiko lạgitʼ Pạul Apostolakʼ ciṭhi 15:30

E boehako, aboren Probhu Jisu Mạsi hotete ar sonot Jiuakʼ dulạṛteń nehõrape kana, iń lạgitʼ Isor ṭhen koejoṅre iń sãote lạgiyạ paṛaokʼpe.

1 Korinthiko 15:47

Menkhan dosaricʼ manwa do serma khone hecʼlena.

Ephesiko lạgitʼ Pạul Apostolakʼ ciṭhi 6:12

Aboakʼ noa lạṛhại do jãhãe manwa upạrte do baṅkana, bickom ona do ńut rajosṭi reakʼ joto lekan cakʼlaoko ar ektiạrianko upạrte, ńut dhạrtiren daṛean jiuko upạrte, ar coṭren joto bạṛicʼ jiuko upạrte.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Kolossiko lạgitʼ Pạul Apostolakʼ ciṭhi 2:1

Iń doń menjoṅ kana jemonpe baḍae baṅma, iń do ape lạgitʼ ar Laodikiạ nagraha reakʼ manḍerren hoṛko lạgitʼ, ar okoe bako ńel akadiń onko sanamko lạgitʼ ạḍiń khaṭaokʼ kana mente.

Kolossiko lạgitʼ Pạul Apostolakʼ ciṭhi 4:12

Epaphrase hõe joharape kana. Uni do aperen hoṛko modren mitʼ hoṛkanae ar uni do Jisu Mạsiren golamge. Uni do siń sạṭupʼ ape lạgitʼe koeyeda jemonpe sạbit utạrokʼ ar jotowakʼre Isorakʼ monejoṅakʼ baḍaekate khạṭi akanpe teṅgo ṭarhao daṛeakʼ.

Ibriko 5:7

Okoe gocʼko khone rukhiyạ daṛeae uni Isor ṭhen Jisu do noa dhạrtire tahen jokhecʼ ãṭ aṛaṅte rakʼateye nehõrade tahẽkana are koeleda. Ar bhokti sãote batao tahẽkantaete Isor do uniyakʼ koejoṅe ańjomletʼtaea.

Josuạ 5:13

Jerikho sorko seṭeren khan Josuạ do bocʼ tarwaṛe tire menakʼtae mitʼṭecʼ hoṛ acʼ samaṅre teṅgo akane ńelkedea. Unre Josuạ do uni ṭhen sorenteye kulikedea, “Am do okoe secʼren kanam aleren, se bạiriko secʼren?”