Genesis 32:10 - সান্তালী বাইবেল

¹⁰ Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

Genesis 32:10 Iomraidhean Croise

Genesis 18:27

Abrahame menkeda, “Ńelme, dhuṛi ar torocʼ chaḍa am samaṅre iń do celegeń baṅkana, enhõ iń do dilkate ińren Probhu Isor sãote kathań roṛeda.

Genesis 24:12

Unre uni guti do noa menkate koeyana, “E Probhu, ińren kisạ̃ṛ Abrahamren Isor, teheń noa reakʼ sanamakʼge amakʼ tireń dohokeda ar ińren kisạ̃ṛ Abrahamem emakade reakʼ amakʼ katha baṛe disạime.

Genesis 24:27

“Bhạgạngeae Probhu Isor do, one okoe doe ińren kisạ̃ṛ Abrahamren Isor kan! Uni do ińren kisạ̃ṛe emade tahẽkan katha ar pạtiạrtetʼ udug do bae hiṛiń akada. Unige horkoe udukʼ ạguạdińa ar iń kisạ̃ṛren boehawakʼ oṛakʼteń hecʼakana.”

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 30:43

Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.

Genesis 31:3

Unre Probhu Isor do Jakobe metadea, “Am do amren hapṛamkoakʼ disạmren hoṛko ṭhen ruạṛ calakʼme. Iń do am são sãotegeń tahena.”

Genesis 32:5

Ińren do ḍaṅgrako, gadhako, bhiḍiko, meromko ar guti-kạ̃ṛmĩ sanamkoge menakʼkotińa. Ar ińren kisạ̃ṛ ṭhen dayań ńama aste laha khongeń baḍae ocoyetʼmea.”

Genesis 32:7

Noa katha ańjomkate Jakob do monre botor caṛhaoadea are dhak dhakaoena. Uni do acʼ soṅgeten hoṛko, bhiḍi-meromko, ḍaṅgrako, gadhako ar ũṭko bar ṭhene begarketʼkoa.

2 Samuel 17:24

Dạud do Mahanayimteye senena ar Absalom do Israelren sanam hoṛkowante jordan gaḍae paromena.

2 Samuel 7:18

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, amge nunạkʼ hạbicʼem ạyur ạguakadińạ.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jobakʼ 8:7

Amakʼ tayom daram dinko do nonka jo bahakʼtama unrem hudisa pạhilakʼ dosa do niạ khon bạṛicʼge tahẽkana.

Sereńko 16:2

Iń do Probhu Isoriń menakawadea, “Am kangeam ińren kisạ̃ṛ do; am begor bhageakʼ do cetʼte hõ baṅ hoyokʼtińạ.”

Sereńko 18:35

E Probhu Isor amakʼ rurukhiyạ ḍhal do ińem emakawạdińa, ar amakʼ jojom ti doe sapʼ akadińạ; amakʼ joton iạte iń do maraṅiń hoyakana.

Sereńko 61:7

Uni do jaejug hạbicʼ Isor samaṅreye tahen ma; uni rukhiyạye lạgitʼ amakʼ khạndri dulạṛ ar pạtiạr do amakʼ kạmire lagao ocoyme baṛe.

Sereńko 8:5

Manwa do serma goḍet khon thoṛaganem huḍiń akadea; uni do ṭhonok ar manot reakʼ mukuṭem horokʼ akawadea.

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Jesaea 6:5

Unre iń doń menkeda, “Hae, iń doń marao utạrena, ente ińakʼ moca do bhõnḍgetińa ar nonkan hoṛko talareń girobasokʼ kana okoekoakʼ moca do bhõnḍgetako. Iń do ińakʼ mẽtʼte raj, phạdkoren Probhu Isoriń ńelkedea.”

Jesaea 63:7

Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Luk 17:10

Onkage Isorakʼ hukum leka sanamakʼ kạmi tayom ape do menpe, ‘okạjuạ gutiko kanale; okaṭakʼ kạmi lek tahẽkantale eken inạgele kạmi akada.’ ”

Luk 5:8

Noa ńelte Simon Patras do Jisu samaṅre ombakʼenteye menkeda, “E Probhu, iń doń kại hoṛ kana; iń ṭhen khon calao joṅme baṛe.”

2 Korinthiko 12:11

Iń do bebujgeń hoyakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.

Dosar Biboron 8:18

Menkhan aperen Probhu Isorakʼ katha do alope hiṛińa; unige niạko hoyocoe reakʼ daṛeye emakatʼpea, ar nonkage uni do aperen hapṛamko ṭhen oka bondobos reakʼ katha kiriạkateye menletʼ ona do ńitokʼe purạu lạgidokʼ kana.

1 Patras 5:5

Onkage E juạnko, ape do aperen murubbiko tabere tahenpe. Ar jotokoge nindhạn tahente mimitʼko sapʼ sopohotʼpe, ente sonot sostor reakʼ katha leka, “Isor do phulạukʼkankoe teṅgo darametʼkoa, menkhan nindhạnko doe dayawako kana.”