Genesis 31:1 - সান্তালী বাইবেল

¹ Jakob doe ańjom tiyokʼkeda Labanren hoponko do noa kathako lại baṛayeda je, Jakob do onkoren apatakʼ sanamakʼe hatao akada ar onkoren apatakʼ sompotti iạtege nunạkʼ ḍher hoyakantaea.

Genesis 31:1 Iomraidhean Croise

Genesis 30:43

Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.

Genesis 31:2

Jakob do noa hõe ạri bạndhikeda, Laban do lahate leka acʼre kusi bạnuea mente.

Genesis 31:43

Noa kathare Laban do Jakobe metadea, “Nukin do ạlińren hoponera kanakin, ar noko gidrạko do ạlińren goṛom gidrạko kanako, ar noko mĩhũ-merom palrenko hõ ạlińrenge. Nonḍe jãhãnakʼge ben ńeletʼkan noako joto do ạlińakʼ kana; enhõ teheń do ạlińren hoponera kin se unkinren gidrạko babotre ạlińakʼ jãhãnakʼ cekae reakʼ cetʼge bạnukʼ tạlińa.

Genesis 45:13

Misor disạmre ińakʼ tinạkʼ manot ar jãhãnakʼgepe ńeletʼ ona reakʼ jotowakʼge senkate babape baḍae ocoyea. Ńitokʼ ape do usạrate senkate nonḍe ạguiyepe.”

Ester 5:11

Ona tayom uni do onko ṭhen acʼakʼ dhon durib reakʼ katha, acʼren hoponkoakʼ katha, ar oka pontha iạte raj ṭhen khon manote ńamketʼ ar cekate eṭakʼ cetan hudạren hoṛko ar kạmiyạko khone maraṅ ocoyena ona joto katha do gorbokate lại akoe ehopʼena.

Jobakʼ 31:31

Ińakʼ gharońjren hoṛko do niạ kathageko roṛetʼ tahẽkana, ‘Job emakʼ jelte okoe hale lacʼ do bae bi akatʼtaea?’

Sereńko 17:14

E Probhu Isor, onko hoṛkoakʼ ti khon, ar dhạrtiren manwako khon, amakʼ tite ińakʼ jiwi bańcao tińme. Onkoakʼ kuṛại do noa dhạrtirege menakʼa amakʼ dhon duribte onkoakʼ lacʼ do bikʼtakoa, ar onkoren gidrạkoakʼ lekha do ḍherge hoyokʼa, ar gidrạko lạgitʼ akoakʼ dhon doko doho oṭokakʼa.

Sereńko 57:4

Reṅgecʼ edekan dhạcri kul leka hoṛko talare iń doń giticʼ akana; onkoakʼ ḍaṭa do borlom ar sar leka, ar alaṅ do laser tarwaṛe lekage.

Kạhtukko 14:30

Nirại mon do hoṛmo mońje dohoya, menkhan hiskạ do hoṛmoe duk ocoya.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Sosolhayic̕ 4:4

Ińiń ńelkeda, ạḍepaseren hoṛ cetanre hiskạ iạte manwa do joto lekanakʼe khaṭaokʼ kana ar joe ńameda. Ar niạ hõ ạuṛiyakʼ kana, eken hoe tayomte ńir calakʼ chaḍa ar cetʼge baṅkana.

Jesaea 5:14

Ona iạte patal puri do acʼakʼ nạnḍriye osar akatʼtaea, ar moca do maraṅ okocʼe cahapʼ akada. Ar manotanko ar disạm hoṛko, jhogṛakʼko, gulmaletʼ hoṛko jotoge onḍeko ńurokʼa.

Jirimiạ 9:23

Probhu Isore meneda, “Ạkilan hoṛ do akoakʼ ạkil iạte aloe sarhaokʼma, ar daṛeanko hõ akoakʼ daṛe iạte aloko sarhaokʼma ar kisạ̃ṛko hõ akoakʼ dhon iạte aloko sarhaokʼma,

Jeheskel 16:44

“Hoṛko do am reaṅ noa kathako mena, ‘Eṅgattetʼ cetʼleka hoponera hõ onkage.’

Mathae 4:8

Soetan do arhõ mitʼṭecʼ ạḍi usul burute Jisui idikedete dhạrti reakʼ sanam rajosṭi ar onako reakʼ ṭhonok udukʼadeteye metadea,

1Timothi 6:4

Uni do cetʼge bae baḍaere hõ jhogṛa ar katha rapṭa rạpṭire ạḍi bạ̃ṛtiye capao akana. Noako reakʼ jo do hiskạ, jhogṛa, nindạu, bạṛicʼ hudis,

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

1 Patras 1:24

Sonot sostorre ol menakʼa, manwako do ghãs leka kanako, ar ghãs reakʼ bahako lekage onkoakʼ sanam ṭhonoktetʼ hõ; ente ghãs do rohoṛokʼa, ar baha do ńurokʼa,