Genesis 30:43 - সান্তালী বাইবেল

⁴³ Ar Jakob do nonkate ạḍiye kisạ̃ṛena. Uniren mĩhũ-merom, ũṭ, gadha ar guti kạ̃ṛmĩko hõ ḍherko saṅge idiyena.

Genesis 30:43 Iomraidhean Croise

Genesis 12:16

Sạri iạte Pharao do Abram sãote mońj beohare ehopʼkeda. Ar Abraham do bhiḍiko, ḍaṅgrako, gadhako, ũṭko, guti ar kạ̃ṛmĩkoe ńamketʼkoa.

Genesis 13:2

Abram do ạḍi kisạ̃ṛe tahẽkana. Uniren do ạḍi utạr ạsul janwarko ar sona rupạ tahẽkantaea. Tayomte uni do Negeb khone uṭhạuente Bethel hạbicʼe senena. Ar nonkate uni do Bethel ar Ae tala reakʼ ona ṭhạ̃ireye seṭerena one okareye ḍeralen ar pạhilre pinḍe benaoletʼ. Ar uni do onḍe Probhu Isore sewawadea.

Genesis 24:35

Probhu Isor do ińren kisạ̃ṛ ạḍiye bhor akawadea; ar onate ạḍi kisạ̃ṛe hoyakana. Probhu Isor do ạḍi utạr ḍaṅgrako ar bheḍako, sona ar rupạko, guti-kạ̃ṛmĩko, ũṭ ar gadhakoe emakawadea.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 30:30

Ạliń hijukʼ lahare abenren mĩhũ-merom palko nunạkʼ ḍher do bako tahẽkana, menkhan ńitokʼ do ḍherko bạḍ akana. Ar ạliń jãhãrege liń dãṛã akatʼ onḍege Probhu Isor do abene bhor akatʼbena. Menkhan ńitokʼ do ạlińakʼ gharońj reakʼ katha hudis reakʼ okte hoyakan tạlińa.”

Genesis 30:42

Menkhan nijor bhiḍi ar meromko samaṅre ona ḍạrko do bae dohoyetʼ tahẽkana. Onate Labanren bhiḍi-meromko do nijorkoge ar Jakobren do daṛe daṛeko hoyena.

Genesis 31:1

Jakob doe ańjom tiyokʼkeda Labanren hoponko do noa kathako lại baṛayeda je, Jakob do onkoren apatakʼ sanamakʼe hatao akada ar onkoren apatakʼ sompotti iạtege nunạkʼ ḍher hoyakantaea.

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

Genesis 32:14

Ona do hoyokʼ kana, barsae merom pạṭhi ar bargel merom eṅga, barsae bhiḍi ar bargel bheḍa, hopon sudhạ toa emokʼ pegel ũṭko, pongel gại ar gel goṭecʼ ḍaṅgra, bargel gadha eṅga ar gel goṭecʼ gadha.

Genesis 32:5

Ińren do ḍaṅgrako, gadhako, bhiḍiko, meromko ar guti-kạ̃ṛmĩ sanamkoge menakʼkotińa. Ar ińren kisạ̃ṛ ṭhen dayań ńama aste laha khongeń baḍae ocoyetʼmea.”

Genesis 33:11

Isor do ạḍiye daya akawạdińa, ar ińakʼ do ḍherge menakʼtińạ. Ona iạte okaṭakʼ daniń ạguakatʼ ona do dayakate hataome.” Jakob nonkae nehõren khan Esau do onkoe ataṅketʼkoa.

Genesis 36:7

Esau ar Jakobren mĩhũ-merom palko do nunạkʼ ḍherko tahẽkana, unkin lạgitʼ mitʼ ṭhen girobasokʼ do muskilge tahẽkana; ar okarekin tahẽkan onḍe unkinren pal janwarko mitʼ ṭhen ạtińko leka jaega hõ baṅ tahẽkana.

Sosolhayic̕ 2:7

Iń do ạḍi utạr guti ar kạ̃ṛmĩkoń kirińketʼkoa, ar aema guti kạ̃ṛmĩko do ińakʼ oṛakʼreko janamena. Iń lahate Jerusalemre okoeko tahẽkan onko khon ińren do ạḍi utạr ḍaṅgra ar bhiḍiko tahẽkana.

Jeheskel 39:10

Onko do sahan jogaṛ lạgitʼ ṭạnḍi khon se bir-gajaṛ khon ạgu baṅ lagao akoa, ente sahan bodolte khanḍa bhanḍako jereda. Onko do luluṭkoakʼ jinisko luṭ joṅa; ar rerecʼkoakʼ jinisko recʼ ruạṛkoa. Iń Probhu Isorge noa katha doń menetʼkana.

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.