Genesis 30:25 - সান্তালী বাইবেল

²⁵ Rahelakʼ kukhire Josephe janamen khan Jakob do Labane metadea, “Ńitokʼ do bidạ kạliń ben jemon ạlińakʼ disạm ar apnar oṛakʼ teliń ruạṛ calao daṛeakʼ.

Genesis 30:25 Iomraidhean Croise

Genesis 18:33

Abraham sãote katha roṛ mucạtʼkate Probhu Isor do onḍe khone calaoena ar Abraham hõ acʼakʼ oṛakʼteye ruạṛ calaoena.

Genesis 24:54

Tayomte uni guti ar soṅgeten hoṛ do jom-ńũkate onḍegeko tahẽ aṅgayena. Dosar hilokʼ setakʼre jạpitʼ khon tinreko beretʼena unre uni gutiye menkeda, “Ńitokʼ do bidạkaleme jemon ińren kisạ̃ṛ ṭheniń ruạṛ calao daṛeakʼ.”

Genesis 24:56

Uni guti doe menkeda, “Probhu Isor do ińakʼ noa dãṛãne jo baha ocoakatʼtińạ onate alope aṭkao dohokạńạ. Bidạkạńpe jemon ińren kisạ̃ṛ ṭheniń ruạṛ calao daṛeakʼ.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 28:13

ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Genesis 31:55

Dosar hilokʼ ạḍi setakʼre beretʼkate Laban do acʼren hoponerakin ar goṛomtetʼ gidrạkoe cokʼatʼkoteye bhoratʼkoa. Ar ona tayom do bidạ hataokate acʼakʼ oṛakʼteye ruạṛ calaoena.

Ibriko 11:9

Isor do okaṭakʼ disạm Abraham emae lạgitʼe gokʼade tahẽkana uni do biswạs iạtege bedisiạ hoṛ lekate onḍeye berelena. Ar uni sãote okoe do inạ mitʼ gokʼakʼren bhor reakʼ bhạgiạdarko tahẽkan Isạhak ar Jakob leka uni hõ tạmbukoreye ḍerakʼkan tahẽkana;