Genesis 30:2 - সান্তালী বাইবেল

² Unre Jakob do Rahel cetanre ạḍiye raṅgaoena. Uniye menkeda, “Iń doń Isor kana se cetʼ? Unige coṅe bạńjhi ocoakatʼme.”

Genesis 30:2 Iomraidhean Croise

Genesis 16:2

Mitʼ din Sạri do Abrame metadea, “Ńelme, Probhu Isor doe bạńjhi ocoakadińạ. Onate am do ińren kạ̃ṛmĩ ṭhen bolokʼme. Hoedaṛeakʼa uni hotete iń do gidrạń ńam daṛeke.” Abram do Sạri reakʼ kathareye rạjiyena.

Genesis 20:18

Abrahamren bạhu Sara iạte Probhu Isor do Abimelekakʼ oṛakʼren sanam maejiukoakʼ kukhiye bondletʼtako tahẽkana.

Genesis 25:21

Isahakren bạhu do bạńhigeye tahẽkante Isahak do acʼren bạhu lạgitʼ Probhu Isor ṭhene koekeda. Probhu Isor do uniyakʼ koejoṅe ańjomkeda ar Rebeka doe bhạrti hoṛmoyena.

Genesis 29:31

Probhu Isor do Lea khijlạu ocokʼkane ńelkede khan uni do bhạrti hoṛmo reakʼ daṛeye emadea, menkhan Rahel do bạńjhigeye tahẽyena.

Genesis 31:36

Unre Jakob do raṅgaoente ãṭ aṛaṅteye menkeda, “Ạliń do cetʼ liń dos akada, ar cetʼ liń behok akatʼte nonka ben khudạu ạguketʼlińa?

Genesis 50:19

Menkhan Josephe menkeda, “Alope botorokʼa. Isorakʼ ṭhạ̃ire teṅgon lạgitʼ iń doń cele kana?

2 Rapajko 5:7

Unre Israelren raj do ciṭhi paṛhaokate ona or cirạketʼteye menkeda, “Iń do cetʼ Isor kạnạń? Iń do cetʼ gocʼkate arhõ jiwiń em ruạṛ daṛeakʼa? Murhucʼ jom rog khon bogekʼ lạgitʼ cedakʼ uni do iń ṭhen nui hoṛe kolkedea? Ńelpe, uni do iń sãote lạṛhại lạgitʼ susiye ńam bakʼṛakana.”

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Exodus 32:19

Ona tayom Mose do ḍera sore senen khan uni mĩhũ ar hoṛko enejokʼkane ńelketʼkoa. Ona ńelte Mose do edreteye seṅgelena ar ti reakʼ dhiri cạkti kine tawakʼkeda. Onate ona dhiri cạktikin do buru latarte ńurente rạputʼena.

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Mark 3:5

Unre Jisu do edrete onkoe beṅgetʼatʼkoa ar onkoakʼ keṭecʼ mon iạte bhabna salakʼ uni hoṛe metadea, “Amakʼ ti tiạyrtam.” Adoe tiyạrketʼ khan ti do boge utạrentaea.

Luk 1:42

Uni do sonot Jiuteye perecʼente ãṭ aṛaṅteye menkeda, “Sanam maejiuko modre am dom bhạgangea ar amren okoeṭakʼ gidrại hoyokʼ, uni hõe bhạgangea.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

1 Samuel 1:5

Menkhan Hanna do bar hạṭińe emaekan tahẽkana, ente uni do bạ̃ṛtiye dulạṛede tahẽkana. Menkhan Probhu Isor do Hannaye bạńhi ocoakade tahẽkana.