Genesis 3:6 - সান্তালী বাইবেল

⁶ Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Genesis 3:6 Iomraidhean Croise

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

Genesis 39:7

Onate uni do thoṛa dinrege acʼ kisạ̃ṛren bạhuttetʼakʼ nońjorreye paṛaoena. Mitʼ din uni do Josephe metadea, “Dela ińakʼ aṭetʼte hijukʼme ar iń tulucʼ giticʼmidokʼme.”

2 Samuel 11:2

Mitʼdin maraṅ dakʼ lo ber Dạud do acʼakʼ aṭetʼ khon beretʼkate raj oṛakʼ reakʼ chatreye dãṛã baṛaekan tahẽkana. Unre uni do chat cetan khon mitʼṭen maejiu ḍạbrạkʼ kane ńelkedea. Maejiu do ńelokʼte ạḍi napaeye tahẽkana.

1 Rapajko 13:19

Ar unre Isorren hoṛ do uni sãoteye ruạṛ calaoena ar uniyakʼ oṛakʼreye jom-ńũkeda.

Jobakʼ 31:1

“Bạṛicʼ monte jãhãe kũạri kuṛi secʼ bạń beṅged iạte iń do ińakʼ mẽtʼ sãote mitʼṭecʼ bondobos iń dohokeda.

Jeheskel 24:16

“E manwa hopon, noa uyukʼrege am ṭhen khon amakʼ mẽtʼ reakʼ hạ̃siń idi lạgidokʼ kana. Enhõ am do alom rakʼ homora, alom raga se mẽtʼ dakʼ alom joroytama.

Jeheskel 24:25

Probhu Isor do arhõe metadińạ, “E manwa hopon, oka hilokʼ iń do ona daṛe reakʼ gorbo, onkoakʼ rạskạ ar ṭhonok, onkoakʼ mẽtʼãhã reakʼ suk, onkoakʼ mon reakʼ khojogokʼakʼ ar onkoren hopon ar hoponerakoń hataokoa,

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

1Timothi 2:14

Ona chaḍa Adam do bae bulạu maṛaṅ ocolena, menkhan maejiugeye bulạu ocolena ar Isorakʼ hukume bebataokeda.

Josuạ 7:21

iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

1 Johan 2:16

ente dhạrtire menakʼakʼko do, hoṛmo reakʼ sana, mẽtʼ reakʼ laloc ar gharońj reaṅ bạḍại kana, noako reakʼ okaṭakʼ hõ Baba ṭhen khonakʼ do baṅ hijukʼkana, menkhan dhạri khonakʼge hijukʼkana.

Bikʼcạrko 14:17

Bhoj reakʼ mucạtʼ din hạbicʼ acʼren bạhu doe rakʼkeda. Ar eae din hilokʼ Samson do acʼren bạhu onae lạiyadea, ente uni doe ạṛis caba akade tahẽkana. Ar unre acʼren bạhu do ona reakʼ manetetʼ acʼren hoṛkoe lạiyatʼkoa.