Genesis 3:5 - সান্তালী বাইবেল

⁵ Isor doe baḍaea, oka hilokʼ ona dare reakʼ jo ben joma enhilokʼ abenakʼ mẽtʼ do saṛokʼ tabena. Ar onate aben do ạkil ben ńama ar Isor leka ben hoyokʼa.”

Genesis 3:5 Iomraidhean Croise

Genesis 2:17

menkhan boge-baṛicʼ dare reakʼ jo do alom joma, ente oka hilokʼ ona dare reakʼ joyem joma enhilokʼ am do khạṭigem gujukʼa.”

Genesis 2:9

Ar onḍe uni do nonkanakʼ darekoe janam ocokeda one oka do ńelokʼte mońj ar onako reakʼ joko hõ sebelge tahẽkan. Ona chaḍa bagwan talare uni do “Jion dare” ar “Boge bạṛicʼ dare” ńutumanakʼ barea dare hõe janam ocokeda.

Genesis 3:10

Uni do goṅketʼteye menkeda, “Bagwanre amakʼ aṛaṅiń ańjom akatʼgea. Menkhan uluṅge minạńte, botorteń oko akana.”

Genesis 3:22

Ona tayom Probhu Isore menkeda, “Ńelpe, boge bạṛicʼ dare reakʼ jo jomkate manwa do aboren mitʼṭen lekae hoyakana. Ńitokʼ manwa do jaejug tahen lạgitʼ jion dare reakʼ jo tiyokʼkate aloe jom daṛeakʼ onate jãhãnakʼ cekae jạruṛtabona.”

Genesis 3:7

Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

2 Bõsbudạ 32:15

Ńitokʼ Hiskiạ do nonka alo baṛeye eṛepe are bulạupe ma. Uni do alope pạtiạuaea, ente jãhãe jạtren se jãhã rajosṭiren debota iń se ińren hapṛamkoakʼ ti khon acʼren hoṛko bae bańcao daṛeakatʼkoa. Enḍekhan tinạkʼ khạṭigea je, aperen debotako do ińakʼ ti khon bako bańcao daṛeapea mente.’ ”

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 5:2

Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”

Jesaea 14:14

Iń do rimil reakʼ muthni cetanreń dejokʼa; ar maraṅ Isor soman iń hoyokʼa.’

Jeheskel 13:22

Okoe dhorom hoṛko bạń duk ocoakawatʼko, ape do eṛe kathate onkope as chuṭạu ocoakatʼkoa ar dusṭạmi hoṛ dope cehao akatʼkoa jemon onko do jiwi bańcaotako lạgitʼ bạṛicʼ hor khon aloko ruạṛ hijukʼ.

Jeheskel 28:12

“E manwa hopon, am do Turren raj lạgitʼ homor halaṅme, unim metaea, Probhu Isor do noa kathae meneda, ‘am do sạbit utạricʼ mohorte chapakanicʼ, ạkilte perecʼicʼ, ar ńelokʼte mońj utạricʼ kanam.

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.

Jeheskel 28:9

Amren gogocʼko samaṅre unre cetʼem mena, ‘iń doń isor kana?’ Menkhan okoe ame ghạlme, uniyakʼ tire am dom manwa kana, debota do baṅa.

Jeheskel 29:3

Probhu Isor doe menetʼkana, ‘E Misorren Pharao raj, iń do am secʼren doń baṅkana. Am do apnarakʼ gaḍareye giticʼkan uni maraṅ utạricʼ tayan kanam. Am dom menetʼ kana, nil gaḍa do amakʼ kangea ar apnar lạgitʼge ona dom benao akawana.

Daniel 6:7

Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.

Mathae 6:23

Menkhan amakʼ mẽtʼ bạṛicʼ getam khan amakʼ goṭa hoṛmo hõ ńutgetama. Amre menakʼ marsal sạrige ńutgetam khan enḍekhan ona do artetʼ ńutgea!

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Korinthiko 4:4

Bin pạtiạukʼ hoṛkoakʼ mon niạ jugren Deb doe kãṛã akatʼtakoa jemon onko do bhage sombat reakʼ marsal aloko ńelńam. Noa bhage sombatre do Mạsiyakʼ ṭhonok bamberokʼ kana, ar nui Mạsi kangeae Isorakʼ muṭhạn reakʼ sodorokʼtetʼ.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 13:4

Biń do uni janwar ektiạriye emade tahẽkante hoṛko do uni biń Isor lekako sewawadea ar janwar hõ onkage sewawadeteko menkeda, “Nũi janwar leka cele menakʼkoa? Ar okoe baṅ uni sãoteye lạṛhại daṛeke?”

Bikʼcạrko 3:2

Israel hoponko okoe do tishõ bako lạṛhại akan onkoakʼ lạṛhại babotre cetʼako lạgitʼ uni do noae nonkaleda.