Genesis 3:4 - সান্তালী বাইবেল

⁴ Unre biń do maejiue metadea, “Tis hõ baṅa, aben do baben gujukʼa.

Genesis 3:4 Iomraidhean Croise

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Genesis 3:3

Menkhan tala bagwanre oka dare menakʼ ona reakʼ jo jojom do managetalińạ. Isor doe menakada, ‘ona dare reakʼ jo do joṭetʼ hõ alo ben joṭeda, ar jom hõ aloben joma. Ar ben onkale khan khạṭige ben gujukʼa.’ ”

2 Rapajko 1:16

Uni do raje metadea, “Probhu Isor do niạ kathae meneda, ‘Israelre cetʼ Isor do bạnuiya, onate Ekronren deboda Bakʼal-sebub ṭhen kulijoṅ lạgitʼ hoṛem kolletʼkoa? Ar noam kạmi akatʼte am do aṭetʼ khon ar bam beretʼ ruạṛ daṛeakʼa. Khạṭigem gujukʼa.’ ”

2 Rapajko 1:4

Ona iạte Probhu Isore meneda, okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ” Niạ menkate Eliạ doe calaoena.

2 Rapajko 1:6

Onkoko roṛ ruạṛkeda, “Mitʼṭen hoṛ do ale sãote ńapamkateye metatʼlea, ‘okoe aleye kol akatʼle uni raj ṭhen ruạṛ senkate jemonle metae, Probhu Isore meneda, ‘Israelre Isor do cetʼ bạnuiya, onate am do Ekronren debota Bakʼal-sebub ṭhen kulijoṅ lạgitʼ hoṛem koletʼkoa? Onate am okaṭakʼ aṭetʼrem giticʼ akan ona khon do ar bam beretʼ ruạṛ daṛeakʼa. Am do khạṭigem gujukʼa.’ ”

2 Rapajko 8:10

Elisaeye roṛ ruạṛkeda, “Am do ruạṛ senkate unim lạiyaea, khạṭigeye boge ruạṛokʼa, menkhan Probhu Isor do iń ṭhene sodor akada, uni doe gujukʼa.

2 Bõsbudạ 18:21

Uni doe menkeda, ‘iń do senkate uniren sanam nạbikoakʼ mocare eṛe roroṛ jiu iń hoyokʼa.’ Probhu Isore menkeda, ‘amge uni dom bulạu idi daṛeaea. Amge senkate onkaeme.’

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Johan 8:44

Soetange aperen baba do, ar ape do uniren hoponko kanape; onate uniyakʼ sana purạupe menjoṅ kana. Soetan do pạhil khongeye khũniạhi kana. Uni do tisge sạriyakʼre bae teṅgo akana, ente unire do sạriyakʼtetʼge bạnukʼa. Uni do eṛe kathae roṛre acʼ khongeye roṛa, ente uni doe eṛeyicʼ kana ar sanam lekan eṛeakʼ do uni khonge janam akana.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

Dosar Biboron 29:19

Ar noa kiriạ reakʼ kathako ańjom jokhecʼ okoe hoṛ do mone monete bhạganicʼ menteye hudisokʼ ar mone monteye men, apnarakʼ sana leka senlenre hõ nirạiteye tahena, enḍekhan ape sanamko cetanre uni do sorbonase paṛao ocoya.

1Timothi 2:14

Ona chaḍa Adam do bae bulạu maṛaṅ ocolena, menkhan maejiugeye bulạu ocolena ar Isorakʼ hukume bebataokeda.