Genesis 3:12 - সান্তালী বাইবেল

¹² Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Genesis 3:12 Iomraidhean Croise

Genesis 2:18

Ar Probhu Isor doe menkeda, “Manwa eskar tahen do baṅ bhagea. Iń do uni lạgitʼ mitʼṭen lek lekan gateń benaoaea.”

Genesis 2:20

Uni do sanam lekan ạsul janwarko ar bir janwarko ar sermaren cẽṛẽkoe ńutumketʼkoa, menkhan onko modre uni herel manwaren, metakʼme Adamren lek lekan gate do bako ńamlena.

Genesis 2:22

Ar Probhu Isor do Adam khon oneye oḍokketʼ pańjrate mitʼṭen maejiue benaokedete Adam ṭhene idikedea.

Genesis 3:11

Unre Probhu Isore menkeda, “Amem uluṅge ona do okoeye lạiyakatʼmea? Am do cetʼ oneń manaletʼme dare reakʼ joyem jom akada?”

Jobakʼ 31:33

Eṭakʼ hoṛko leka kại do bạń danaṅ akatʼtińạ ar ińakʼ monre dos hõ bạń oko dohoakatʼa;

Kạhtukko 19:3

Manwa do apnarakʼ lelhatetʼge bạṛicʼ horteye idiyea, menkhan enhõ uniyakʼ ontor do Probhu Isor upạrte rakabokʼtaea.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Luk 10:29

Uni dhorom guru do dhorome ṭarhaokʼa mente Jisui kulikedea, “Okoe kanae iń aḍepaseren hoṛ do?”

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

1 Samuel 15:15

Sạule roṛ ruạṛkeda, “Onko do Amalekiko ṭhen khonko ạguakana. Amren Probhu Isor ńutumte samaṅokʼ lạgitʼ iạtege lạṛhại phạdko do mońj mońj ḍaṅgra ar bheḍako dohoakatʼkoa; tobe sarecʼakʼ jotowakʼ dole marao giḍi akada.”