Genesis 3:10 - সান্তালী বাইবেল

¹⁰ Uni do goṅketʼteye menkeda, “Bagwanre amakʼ aṛaṅiń ańjom akatʼgea. Menkhan uluṅge minạńte, botorteń oko akana.”

Genesis 3:10 Iomraidhean Croise

Genesis 2:25

Unre Adam ar uniren bạhu do uluṅge kin tahenkan tahẽkana, menkhan onate unkin do bạkin lajaokʼkan tahẽkana.

Genesis 3:11

Unre Probhu Isore menkeda, “Amem uluṅge ona do okoeye lạiyakatʼmea? Am do cetʼ oneń manaletʼme dare reakʼ joyem jom akada?”

Genesis 3:7

Onate bana hoṛakʼ mẽtʼ do saṛentạkina. Ar uluṅgea kin mente kin bujhạukeda. Ar loa dare reakʼ sakamko rokʼkate ạkin lạgitʼ kicricʼkin benaoana.

Jobakʼ 23:15

Onate uni samaṅre iń do ạḍiń botorokʼa; noakoń hudisle khange uni doń botoraea.

Jobakʼ 31:33

Eṭakʼ hoṛko leka kại do bạń danaṅ akatʼtińạ ar ińakʼ monre dos hõ bạń oko dohoakatʼa;

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Exodus 20:18

Israelko do tinre bijli malkaokʼ ar buru khon dhũạ rakabokʼko ńelkeda ar huḍur ar sakwa reakʼ saḍeko ańjomkeda unre onko do sạṅgińre teṅgokate thar tharokʼko ehopʼena.

Exodus 20:19

Onko do Moseko metadea, “Ale tulucʼ katha roṛme, ale dole ańjoma; menkhan Isor ale tulucʼe roṛle khan ale dole gujukʼa.”

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 32:25

Mose do hoṛko bhiṅgṛạu akana menteye ńelketʼkoa. Uni doe bujhạukeda Arongeye bhiṅgṛạu ocoakatʼkoa ar onate bạiri ṭhen cigạri ocokʼ lek ko hoyakana.

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 47:3

Amakʼ uluṅ do oṭagokʼa ar lajao do ńel ńamokʼtama. Iń doń hala hạlia, okoeyakʼ nehõr hõ bạń ańjoma.”

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Dosar Biboron 5:25

Ado cedakʼle gocʼ giḍi ocokʼa? Niạ maraṅ daṛeakʼ seṅgel doe atar cabalea; ar ḍher ghạṛicʼ aboren Probhu Isorakʼ aṛaṅle ańjom lekhan ale dole gujukʼgea.

Johan sodor 16:15

Jisui meneda, “Ńelme, iń do kombṛo lekań hijukʼa. Bhạgangeae uni hoṛ, one okoe do jagware tahenkan ar acʼakʼ kicricʼkoe jogao dohoyetʼ, jemon laṅgaṭ alaoe dãṛãn ar hoṛko hõ uniyakʼ lajaotetʼ aloko ńeltae.”