Genesis 28:5 - সান্তালী বাইবেল

⁵ Noa menkate Isahak do Jakobe kolkadea, ar Jakob hõ Padan-Aramre Bethuelren hopon Laban ṭhene calaoena. Laban do Jakob ar Esauren eṅgattetʼ Rebekaren boehae tahẽkana.

Genesis 28:5 Iomraidhean Croise

Genesis 22:23

Bethuelren hoponera do Rebekae tahẽkana. Abrahamren boeha Nahorren bạhu Milkạwakʼ kukhire noko irạl goṭecʼ hoponko janamlena.

Genesis 24:54

Tayomte uni guti ar soṅgeten hoṛ do jom-ńũkate onḍegeko tahẽ aṅgayena. Dosar hilokʼ setakʼre jạpitʼ khon tinreko beretʼena unre uni gutiye menkeda, “Ńitokʼ do bidạkaleme jemon ińren kisạ̃ṛ ṭheniń ruạṛ calao daṛeakʼ.”

Genesis 25:20

Isahak do pongel bochor umer tahẽkanre Rebekae baplaledea. Rebeka do Padan-Aram disạmren Aramiạ Bethuelren hoponera ar Aramiạ Labanren miserate tahẽkana.

Genesis 27:43

Onate beṭa, ińakʼ katha ańjomme. Am do Haran nagrahate ińren boeha Laban ṭhen dạṛme ar amren boehawakʼ raṅgao ạuri cabakʼ hạbicʼ onḍege tahenme.

Genesis 28:2

Am do Padan Aram disạmre am gogoren baba Bethuelakʼ oṛakʼte calakʼme. Ar onḍe tahẽkate am mamaren jãhãeṭakʼ kuṛige baplayem.

Genesis 29:1

Jakob do calakʼ calakʼte purub disạmren hoṛkoakʼ ṭoṭhateye seṭerena.

Genesis 29:12

Uni do Rahele metadea, acʼ do apattetʼren peṛa, Rebekaren hopon kanae. Noa katha ańjomkate Rahel doe ńir senente acʼren apattetʼ ona khobore lạiyadea.

Genesis 31:24

Menkhan Isor do ńindạ jokhecʼ kukmũte Labane metadea, “Sontorokʼme! Jakob do boge-bạṛicʼ jãhãnakʼ cetʼge alom metaea.”

Genesis 35:27

Mucạtʼre Jakob do Kiriat-Arab, metakʼme Hebron ṭhenakʼ Mamre nagrahare acʼ apat Isạhak ṭhene hecʼena. Noa ṭoṭharege Abraham ar Isạhak dokin girobasokʼkan tahẽkana.

Jeheskel 27:16

Amakʼ benaoakʼ ḍher jinisko lạgitʼ Siriya do am tulucʼe bạnij-beparetʼ tahẽkana; amakʼ jinisko bodolte onko do akoakʼ podmorag mạnik, beguni roṅakʼ kicricʼ, likạn goṛhon kicricʼ, mĩhĩ musnạ kicricʼ ar rokto mạnikkote amakʼ jinisko hataoetʼ tahẽkana.

Hosea 12:12

Jakob do Aram disạmteye dạṛleda; ar Israel do bạhu ńame lạgitʼ din mạjur reakʼe kạmileda ar bhiḍi gupi kạmi hõe kạmileda.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.