Genesis 28:3 - সান্তালী বাইবেল

³ Sanam daṛean Isor do ame bhoramma ar aema hoponren apat hoyokʼ reakʼ daṛeye danama. Uni do am bõsren hoṛkoe saṅge ocokoa. Onko do aema jạtrenko hoyokʼa.

Genesis 28:3 Iomraidhean Croise

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 17:20

Ańjomme, iń do uni hõń bhoraea ar ạḍi utạr hoponkote uni bõsren hoṛkoakʼ lekhań ḍher ocoya. Uni hõ gelbar khũṭren janam datae hoyokʼa ar uni khon iń do mitʼṭecʼ maraṅ jạtrenkoń benao rakapʼkoa.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 27:33

Noa katha ańjomkate Isahak doe thar tharaoena. Uni doe menkeda, “Enḍekhan sendra jel do okoeye ạguạdińa? Iń do am hijukʼ laharege onań jomkeda ar uni hõń bhoradea, ar ona bhor reakʼ jo do unigeye ńama.”

Genesis 35:11

Isor do arhõe metadea, “Iń do phạdkoren Isor kạnạń. Am do ạḍi utạr hoponkoren apatem hoyokʼa arpe saṅgekʼa. Iń do am khonge mitʼṭecʼ jạtrenkoń rakapʼkoa, ar mitʼṭecʼ ḍher bõsrenko benao rakabokʼa. Ar amakʼ bõsre aema rapajko janamokʼa.

Genesis 41:52

Ona tayom dosaricʼ hoponakʼ ńutum do Ephrayeme dohokeda (metakʼme “Joanakʼ ”) Uniye menkeda, “Oka disạmre iń do dukiń ńamketʼ ona disạmrege Isor doe jo baha ocoakadińạ.”

Genesis 43:14

Sanam daṛean Isorakʼ dayate jemon uniye dayawape, ar aperen uni boeha ar Benjạmin jemon apeakʼ tireye aṛakʼkin; ar nirbõsokʼ khaniń nirbosokʼa.”

Genesis 48:3

Ona tayom Jakob do Josephe metadea, “Sanam daṛean Isor do Kanan disạmre Lus nagrahare iń ṭhene ńel ocoyena are ạsirbad ạdiń tahekana.

Genesis 48:4

Uni doe metadiń tahẽkana, ‘ạḍi utạr hoponkoren baba hoyokʼ reakʼ daṛeń ematʼmea ar am bõsren hoṛkoakʼ lekha doń saṅge ocoya. Iń do am khon aema jạtrenkoń sirjạukoa, ar am tayom noa disạm do jaejug reakʼ sompotti lekate amren bõskoń emakoa.’

Genesis 49:25

Am apatren Isor do ame goṛowama. Sanam daṛean Isor do serma khone bhorama ar ot latar khon jharna reakʼ ạsirbade emama. Ar maejiuakʼ kukhire gidrại emokʼte uniyakʼ toa reakʼ bhorte uni do ame bhorama.

Genesis 9:1

Isor do Noha ar uniren hoponkoe bhoratʼkoteye menkeda, “Ape do saṅgekʼ reakʼ daṛete ḍher idikʼpe ar dhạrti perejpe.

Sereńko 127:1

Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

Sereńko 127:3

Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

Exodus 1:7

Menkhan Israelkoakʼ bõsko saṅge idikʼ reakʼ daṛe do tahẽkangea; onko do lekhareko ḍher idiyente beṛhaeteko pasnaoena arko daṛe idiyena, ar onkote Misor disạm do perecʼena.

Exodus 6:3

Iń sanam daṛeanicʼ Isorge Abraham, Isahak ar Jakob ṭheniń ńel ocokʼkan tahẽkana, menkhan Probhu Isor lekate okoe kạnạń mente ona do bạń sodoretʼ tahẽkana.

2 Korinthiko 6:18

Ona chaḍa “Phạdkoren Probhu Isore meneda, ińge aperen babań hoyokʼa, ar ape do ińren hopon ar hoponerakope hoyokʼtińạ.”

Johan sodor 21:22

Ona nagrahare jãhãn mundilge bạń ńel ńamleda, ente sanam daṛeanicʼ Probhu Isor ar Bheḍa Hoponge ona nagraharen mundil do.

Rut reakʼ kạhini 2:4

Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”