Genesis 28:21 - সান্তালী বাইবেল

²¹ ar iń babawakʼ oṛakʼte napaeteń ruạṛ daṛeakʼ, enḍekhan nui Probhu Isorge ińren Isor menteń manaoea.

Genesis 28:21 Iomraidhean Croise

2 Samuel 15:8

Iń amren guti do Aram reakʼ Gesurreń tahẽkan jokhecʼ manot kateń menleda, ‘Probhu Isor do Jerusalemteye ruạṛ idiyiń enḍekhan Hebronte senkate Probhu Isor ńutumte samaṅokʼakʼ iń samaṅa.’ ”

2 Samuel 19:24

Inạ tayom Sạulren goṛomtetʼ koṛa Mephiboset do raj sãote ńapamokʼ lạgitʼe hecʼena. Uni do raj sen tayom nirạite arhõ ạuriye ruạṛ hijukʼ hạbicʼ acʼakʼ jaṅga bae joton akatʼtae tahẽkana, goco hõ bae hoylena ar kicricʼ hõ bae sapha akatʼtae tahẽkana.

2 Samuel 19:30

Mopheboset do raje metadea, “Unige jotowakʼe hatao ma. Ińren mạlik maharaj do nirạite oṛakʼteye ruạṛ hecʼakana onage iń lạgitʼ do ḍhera.”

2 Rapajko 5:17

Namane menkeda, “Jãhãnakʼge bam hatao enḍekhan dayakate barea gadha jemonkin idi daṛeakʼ nonkan hasa amren guti baṛe emaeme, ente amren nui guti do Probhu Isor chaḍa tisge jãhãn debota ṭhen jeredokʼakʼ ar eṭakʼ samaṅokʼakʼ do bae samaṅa.

1 Bõsbudạ 4:10

Jabes do Israelren Isor hohoadeteye metade tahẽkana, “Bhorạńme ar ińakʼ sompotti ḍherkạtińme. Ar amakʼ daṛe do iń são sãote tahenma ar sanam muhin khon rukhiyạyińme jemon kosṭo aloń ńam.” Ar Isor do uniyakʼ nehõrjoṅakʼe ańjomketʼtaea.

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Dosar Biboron 26:17

Ar teheńge lại sodorpe. Probhu kangeae aperen Isor do ar uniyakʼ horregepe taṛama mente. Arpe aṅgocetʼ kana, uniyakʼ hukumko ar bicạrkope dohoya ar uniyakʼ katha lekape calakʼa.