Genesis 28:18 - সান্তালী বাইবেল

¹⁸ Jakob do ạḍi setakʼreye beretʼena ar oka dhirireye bohokʼ akatʼ tahẽkan ona do cinhạ khunṭi lekae teṅgoketʼte ona cetanre sunume dulada.

Genesis 28:18 Iomraidhean Croise

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Genesis 22:3

Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena.

Genesis 28:11

Horre mitʼ jaegare candoe hạsuren khan uni do onḍegeye aṅga hạṭińena. Onḍe do thoṛagan dhiri hõ tahẽkana. Jakob do onako dhiri reakʼ mitʼṭecʼre bohokʼ aṭhṛekateye giticʼena.

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Genesis 31:45

Unre Jakob do mitʼṭecʼ dhiri hataokate khunṭi lekae teṅgokeda ar acʼren peṛakoe metatʼkoa, “Thoṛa dhiri ạgu jarwaepe.” Unre onko do dhiri ạgu jarwakate mitʼ ṭhenko ḍhipikeda ar sanamkoge ona aṛereko jom-ńũkeda.

Genesis 35:14

Ar Jakob do ṭhik ona jaegare dhiri reakʼ cinhạ khunṭiye teṅgokeda ar ona cetanre coḍor samaṅokʼakʼe samaṅkeda. Ar ona tayom do ona cetanre sunume dulada.

Genesis 35:20

Jakob do uniyakʼ topa cetanre cinhạ khunṭi leka mitʼṭecʼ dhiriye condokeda. Ona do teheń hõ Rahelakʼ topa reakʼ cinhạ lekage menakʼa.

2 Samuel 18:18

Absalom tinre jiwetʼe tahẽkana unre uni do apnar lạgitʼ buru lodamre mitʼṭecʼ raj nisạne benaoan tahẽkana. Uni doe menleda, “Ińakʼ ńutum rukhiyại lạgitʼ ińren do cele hoponge bạnukʼkotińa.” Onate acʼakʼ ńutumte ona nisạn khunṭi reakʼ ńutume doholeda. Ar teheń hạbicʼ ona nisạn khunṭi do Absalom khunṭiko metakʼkana.

Sereńko 119:60

Okakom hukum akawạdiń ona do ạḍi usạrageń manao akada, ar baṅgeń bilomleda.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.

Numeri 7:1

Oka hilokʼ sekʼwa tạmbuko beretʼ sạtketʼ enhilokʼ Mose do ojokʼ bahalokʼ reakʼ sunumte goṭa tạmbu ar ona reakʼ asbabko Probhu Isor ńutumteye begarkeda. Uni do pinḍ ar ona reakʼ thạri-bạṭiko cetanre ojokʼ bahalokʼ reakʼ sunume dulketʼte onako hõe begarkeda.

Josuạ 4:9

Jordan gaḍa reakʼ oka ṭhạ̃ire goha-sinduk gogokʼ naekeko teṅgo akan tahẽkan onḍe Josuạ do arhõ gelbar goṭecʼ dhiriye dohokeda. Ona dhiriko do teheń hạbicʼ onḍege menakʼa.

1 Samuel 7:12

Unre Samuel do mitʼṭecʼ dhiri hataokate Mispa ar Sen ńutuman mitʼṭecʼ jaega talare dohoketʼteye menkeda, “Niạ hạbicʼ Probhu Isor do aboe goṛo akatʼbona.” Niạ menkate uni do ona reakʼ ńutum Ebenesere dohokeda (ona reakʼ mane do “gokʼṛowakʼ dhiri”).