Genesis 28:13 - সান্তালী বাইবেল

¹³ ar Probhu Isor do ona coṭre teṅgokateye menkeda, “Iń kangeạń Probhu Isor do. Am okarem giticʼ akan noa disạm do am ar amren bõskoń emakoa.

Genesis 28:13 Iomraidhean Croise

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 13:15

Ar okako jaegam ńel ona do am ar amren bõsko jaejug hạbicʼ iń emakoa.

Genesis 13:17

Am do goṭa disạm mitʼ dhao dãṛã ạcurme, ente iń do noa disạmge amiń emama.”

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 15:18

Probhu Isor do ona din Abram lạgitʼ noa menkate mitʼṭecʼ bondobose dohokeda, “Misor reakʼ gaḍa khon ehopʼkate maraṅ gaḍa phurạt hạbicʼ iń do goṭa disạmge amren bõskoń ematʼkoa.

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 31:13

Iń doń Isor kana okoe do Bethelre am ṭheniń ńel ocolente ar oka dhiri khunṭire sunum dulkate iń ṭhenem kiriạlen. Am do ńitokʼ noa disạm bạgikate amakʼ bukạ topa ṭhạ̃ite ruạṛ calakʼme.’ ”

Genesis 31:42

Ạliń babaren Isor, okoe do Abraham ar Isahakren Isor kan, uni do ạliń sãote bae tahẽlen khan enḍekhan khạṭige aben do ńitokʼ eken ti ben bidạkelińa. Isor do ạlińakʼ khaṭaokʼ ar kosṭoe ńelakada. Ar onatege calaoen ńindạ do noa reakʼ bhageye bicạr akada.”

Genesis 31:5

Ona tayom unkine metatʼkinạ, “Ińiń ńeletʼa abenren babawakʼ mẽtʼãhã do pạhil leka kharsala ińre bạnukʼtaea, menkhan iń babaren Isor do iń sãote menaea.

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 32:10

Amren nui guti oka daya ar pạtiạrem udukʼ akawade onaren lek doń baṅkana. Eken mitʼṭecʼ ṭheṅga tire sapʼkate noa Jordan gaḍań paromlena, menkhan ńitokʼ iń soṅgere barea maraṅ dolrenko menakʼkoa.

Genesis 32:9

Jakob do Isor ṭhen noa menkate koejoṅe ehopʼena, “E Probhu, ińren hapṛam Abrahamren Isor, ińren ạpuń Isahakren Isor, amge coṅ ińakʼ disạmte, ińren hoṛko ṭhen ruạṛ calakʼem menakadińạ ar onḍe am dom bhạlạiyińạ.

Genesis 35:1

Niạ tayom Isor do Jakobe metadea, “Am do ńitokʼ Bethelre senkate tahenme. Ar amren boeha Esau ṭhen khonem ńir pharakokʼ jokhecʼ okoe do am ṭhene ńel ocolen uni Isor lạgitʼ onḍe mitʼṭecʼ pinḍ benaome.”

Genesis 35:12

Okaṭakʼ disạm do Abraham ar Ishạhakiń ematʼkin tahẽkan ona disạmge iń do amiń emama. Ar am tayom do amren bõskoń emakoa.”

Genesis 35:15

Isor okare uni sãoteye galmaraoletʼ Jakob do ona jaega reakʼ ńutum Bethele dohokeda.

Genesis 35:17

Ar gidrạ janame reakʼ haso ḍherentae khan dhạ̃i buḍhiye menkeda, “Alom botorokʼa, niạ dhao hõ koṛa gidrại hoyokʼtama.”

Genesis 46:3

Isore menkeda, “Iń Isor do, am babaren Isor kạnạń. Misor disạmte calakʼ do alom botorokʼa, ente iń do onḍe am khon mitʼṭecʼ maraṅ utạr jạtrenkoń sirjạukoa.

Genesis 48:3

Ona tayom Jakob do Josephe metadea, “Sanam daṛean Isor do Kanan disạmre Lus nagrahare iń ṭhene ńel ocoyena are ạsirbad ạdiń tahekana.

1 Bõsbudạ 16:16

Ona bondobos do Abraham lạgitʼe bandhaoleda ar Isạhak ṭhen hõe gokʼletʼa.

1 Bõsbudạ 16:18

Uni doe menleda, “Iń do Kanan disạmiń emama, ar onage amakʼ paona sompotti do hoyokʼtama.”

Sereńko 105:11

Uniye metade tahẽkana, “Iń do Kanan disạmiń emama. Ar onage amakʼ bakhra reakʼ sompotti do hoyokʼa.”

Exodus 2:24

Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda.

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Exodus 4:5

Ona tayom Probhu Isore menkeda, “Noam onkaea jemon onkoko pạtiạukʼ, onkoren hapṛam Abraham, Isahak ar Jakobren Probhu Isor do sạrige am ṭhene ńel ocoakana.”

Exodus 6:4

Iń do onko lạgitʼ ińakʼ bondobosiń doholeda. Ona bondobosreń menleda, onko do bidisiạ lekate okareko tahẽkan ona disạmgeń emakoa.

Exodus 6:7

Ona tayom ińren hoṛ menkate apeń ataṅpea ar aperen Probhu Isoriń hoyokʼa. Unrepe baḍae daṛeakʼa, iń Probhu Isor doń aperen Isor kana, ar Misorrenkoakʼ bojhatepe ten akan khon ińgeń oḍok ạguakatʼpea.

Jeheskel 28:25

“Eṭakʼ jạtrenko talare chirchạtur akan Israelko tinreń jarwakoa unre jạt jạtrenkoakʼ mẽtʼãhã samaṅre onko talare ińakʼ sonottetʼ iń sodora. Unre onko do akoakʼ ona disạmreko girobasokʼa one okaṭakʼ disạm do ińren guti Jakob iń emade tahẽkan.

Amos 7:7

Ona tayom Probhu Isor do ar mitʼṭecʼ dorsone ńel ocokedińa. Uni do sạhul baber hataokate sạhul baber jokhate benaoakʼ mitʼṭecʼ bhit aṛereye teṅgo akan tahẽkana.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Aposkạmi 7:5

Ar acʼakʼ ạidạri lạgitʼ Isor do Abraham cetʼge bae emadea, jaṅga lebedokʼ leka jaega hõ baṅ. Menkhan Isor doe gokʼade tahẽkana, uni ar uniren bõsko do ạidạrilekate ona disạme emakoa. Menkhan unhạbicʼ Abrahamren do cele gidrạge bako tahẽkantaea.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’

Dosar Biboron 34:4

Ona tayom Probhu Isor do uniye metadea, “Noage ona disạm do one Abraham, Isạhak ar Jakob ṭhen kiriạkateń menletʼ, ‘Noa disạm do aperen bõskoń emakoa.’ Ar noa disạm do amakʼ mẽtʼteń ńel ocoketʼmea, menkhan gaḍa paromkate onḍe calakʼ do baṅ hoyokʼtama.”

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Ibriko 11:16

Menkhan onko do arhõ bhage mitʼṭecʼ disạm reakʼ, metakʼme jion puri reakʼko ńam baṛayetʼkan tahẽkana. Ona iạte Isor acʼtetʼge onkoren Isor mente ńumogokʼ do bae lajaokʼ kana, ente uni do onko lạgitʼge mitʼṭecʼ nagrahae tear akatʼ tahẽkana.