Genesis 27:24 - সান্তালী বাইবেল

²⁴ Uni do arhõe kulikedea, “Am do cetʼ sạrige ińren Esau kanam?” Jakobe menkeda, “Hẽ baba.”

Genesis 27:24 Iomraidhean Croise

Genesis 27:23

Jakobakʼ ti do acʼren boeha Esauakʼ lekage upʼte perecʼ tahẽkante Isahak do bae bujhạu daṛeadea. Ar Isahak do uni bhorae lạgitʼe sapṛaoena.

Genesis 27:25

Isahake menkeda, “Enḍekhan amakʼ sendra jel khon thoṛa ạguạńme, jemon ona jomkateń bhoram.” Unre Jakob do Isahak ṭhen jomakʼe ạgukeda, ar Isahak do ona khone jomkeda. Ona tayom Jakob do darkha rasa hõe emadea ar uni doe ńũkeda.

2 Samuel 14:5

Raj do uniye kulikedea, “Cetʼ muskilakʼrem paṛao akana?” Uni doe menkeda, “Sạri kathageń meneda, ińren jãwãe doe gocʼena, ar iń doń rạnḍi akana.

1 Rapajko 13:18

Uni nạbiye roṛ ruạṛkeda, “Iń do am lekan mitʼṭen nạbi kangeạń. Probhu Isorakʼ katha leka mitʼṭen dut do ińe men akawạdińa jemon ińakʼ oṛakʼteń ruạṛ idime jemon am do senkatem jom-ńũ daṛeakʼ.” Menkhan uni do eṛe kathae metadea.

Jobakʼ 15:5

Amakʼ kại iạtege nonkan kathakom roṛeda ar sean hoṛ leka buligem bachao joṅkana.

Kạhtukko 12:19

Sạriyicʼakʼ reakʼ katha do jaejug hạbicʼ tahena, menkhan eṛeyicʼakʼ reakʼ katha do thoṛa dinge.

Kạhtukko 12:22

Eṛeyicʼakʼ mẽtʼãhã Probhu Isor doe kurudakʼ kana, menkhan pạtiạrte kạmikan hoṛ do uniren rạskạ reakʼ kanako.

Kạhtukko 30:8

Phạsiạra ar eṛe katha do iń khon pharakme, reṅgecʼ hõ alom hoeocoyińa ar acel pacel dhon hõ alom imạńa jạruṛokʼ bhor baṛe jom ocoyińme.

Sakariạ 8:16

Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.

Kolossiko lạgitʼ Pạul Apostolakʼ ciṭhi 3:9

Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

1 Samuel 21:13

Ona iạte uni tinạkʼ din onko ṭhene tahẽyen unạkʼ din onko samaṅre koṅka lekae bhankeda. Ar tinre uniko sapʼkedea unre uni do koṅka leka duạr reakʼ kapaṭkore ạuṛige dag baṛaeye ehopʼena ar acʼakʼ ulidakʼ do goco cetanre tiṛạ toṛoy joro ocokeda.

1 Samuel 21:2

Dạud do naeke Ahimeleke roṛ ruạṛadea, “Raj do mitʼṭecʼ kạmi reakʼe bhar akawạdińa, ar oka kạmi lạgitʼe kolakadiń ona reakʼ ar okoege jemon jãhãnakʼ aloko baḍae daṛeakʼ. Ar ona iạte ińren hoṛ do mitʼṭecʼ niṭakatʼ ṭhạ̃ire iń lạgitʼ koyokʼ hor iń menakawatʼkoa.