Genesis 26:31 - সান্তালী বাইবেল

³¹ Ar dosar hilokʼ setakʼre beretʼkate onko do ako talareko kiriạyena. Ona tayom Isahak do onkoe bidạkatʼkoa ar onko do suluk monteko mohnḍayena.

Genesis 26:31 Iomraidhean Croise

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

Genesis 21:14

Unre Abraham do ạḍi setakʼre beretʼkate thoṛa jomakʼ ar dakʼte perecʼ mitʼṭecʼ kum Hagare emadete tarenrey ladeadea. Ar ona tayom gidrạ hõ tireye caladete uniye bidạkadea. Hagar do onḍe khon oḍokʼkate Ber-Seba reakʼ hahaṅkarre ạcur baṛaye ehopʼena.

Genesis 21:23

Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

Genesis 21:27

Ona tayom Abraham do bhiḍi ar daṅgrakoe ạguketʼkote Abimeleke emadea ar unkin do mitʼṭecʼ kin bandhaokeda.

Genesis 22:3

Onate Abraham do ạḍi setakʼre beretʼkate gadhae palanadea. Ar ona tayom acʼren hopon Isahak ar jeredokʼ samaṅokʼakʼ lạgitʼ sahane hataokeda ar acʼren barea gutiye soṅgeketʼkinte Probhu Isor okaṭakʼ ṭhạ̃i reakʼ kathae metade tahẽkan ona secʼe mohnḍayena.

Genesis 25:33

Jakobe menkeda, “Iń ṭhen lahare kiriạlenme.” Unre Esau doe kiriạyente maraṅicʼ hoponakʼ ạdạri do Jakob ṭhene ạkhrińkeda.

Genesis 26:32

Ar enhilokʼge Isahakren gutiko do hecʼkate akoko la akatʼ mitʼṭecʼ kuń reakʼko baḍae ocokedea, “Ale do dakʼle ńam akada.”

Genesis 31:44

Ona khon bickom dela, alaṅ talare mitʼṭecʼ bondobos laṅ bandhaoa jemon alaṅ talare goha leka tahen.”

Genesis 31:55

Dosar hilokʼ ạḍi setakʼre beretʼkate Laban do acʼren hoponerakin ar goṛomtetʼ gidrạkoe cokʼatʼkoteye bhoratʼkoa. Ar ona tayom do bidạ hataokate acʼakʼ oṛakʼteye ruạṛ calaoena.

Ibriko 6:16

Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

1 Samuel 14:24

Enhilokʼ Israelko do ạḍi kosṭote dinko paromkeda, ente Sạul do mitʼṭecʼe kiriạ ocoletʼkoa, ạuri ạyubokʼ hạbicʼ ar bạiriko cetanre ạuriye halae hạbicʼ jãhãege jãhãnakʼko jom enḍekhan onko cetanre sarap baṛe paṛaokʼ ma. Onate enhilokʼ hoṛko do okoehõ cetʼge bako jomleda.

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”

1 Samuel 30:15

Dạude menkeda, “Onko luluṭko ṭhenem idi daṛeạńạ?” Uni doe roṛ ruạṛkeda, “Isor ńutumte kiriạwạńme bam gojeńa se ińren kisạ̃ṛ ṭhen bam jimạkạńạ. Enḍekhan iń do onko ṭheniń idimea.”