Genesis 26:28 - সান্তালী বাইবেল

²⁸ Onkoko menkeda, “Ale do ńitokʼ saphatele ńeleda Probhu Isor do am tulucʼ menaea. Ar onatele ṭhik dohoakada am ar ale talare mitʼṭecʼ cukti tahen do jạruṛgea. Onate dela, noa bon kiriạlenge,

Genesis 26:28 Iomraidhean Croise

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Genesis 24:41

Ar onko ṭhen senkate jãhãe kuṛi bako emam enḍekhan ińakʼ noa kiriạ khon dom khalasgea.’

Genesis 31:44

Ona khon bickom dela, alaṅ talare mitʼṭecʼ bondobos laṅ bandhaoa jemon alaṅ talare goha leka tahen.”

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

Genesis 39:5

Joseph noako bhare em ocoyen tayom Joseph iạte Probhu Isor do uni Misri kisạ̃ṛakʼ jotowakʼe bhoratʼtaea. Probhu Isor do Poṭiphorakʼ oṛakʼ-duạr, ot-baṛge ar ona reakʼ jotowakʼgeye bhorada.

2 Bõsbudạ 1:1

Dạudren hopon Solomon do acʼakʼ rajosṭi ạḍi kajakge acʼ tabereye dohokeda, ente uniren Probhu Isor do uni sãoteye tahẽkana ar ạḍiye maraṅkedea.

2 Bõsbudạ 15:9

Ona tayom uni do Jihudạ ar Benjạinren sanam hoṛko ar Ephrayim, Manase ar Simeon ṭoṭhakoren okoeko hoṛ do onko talareko girobasokʼ kan tahẽkan onkoe jarwa mitʼketʼkoa. Ar Probhu Isor do Asa sãote menaea menteko ńelketʼ khan Israelren ḍher hoṛgeko uni secʼena.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 60:14

Okoe amko santaoetʼme tahẽkan onkoren hoponko do am ṭhen tumbutʼkateko hijukʼa; ar okoeko nihạ̃tetʼme tahẽkan onko jotoge amko ḍobokʼama ar Probhu Isorakʼ nagraha, Israelren uni sonoticʼakʼ Sion menteko bikạumea.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jesaea 61:9

Boṅgan hoṛ jạtrenko talare onkoren bõsko ar hoṛko talare onkoren hoponko doko ńum ńamokʼa. Ar okoe onkoko ńelko onko jotogeko bujhạu daṛeakʼa, onko jạtrenko do Probhu Isore bhor akatʼkoa mente.”

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

1 Korinthiko 14:25

Onate acʼakʼ ontor reakʼ okoakʼko sodorokʼtae, ar uni do otre ombakʼkate Isor sarhaoeteye mena, “Sạrige Isor do apere menaegea.”

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Ibriko 6:16

Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

1 Samuel 11:1

Amoniạ Nahas do senkate Jabes-Gileade esetʼ ạcurkeda. Unre Jabesren hoṛko do Nahasko metadea, “Ale sãote mitʼṭecʼ bondobos bandhaome, enḍekhan ale do am taberele tahena.”

1 Samuel 18:28

Sạul do unreye bujhạu daṛekeda, Probhu Isor do Dạud sãote menaea ar acʼren hoponera Mikal hõ Dạude dulạṛ edekana,