Genesis 25:2 - সান্তালী বাইবেল

² Uniyakʼ kukhire do nokoko janamlena Simran, Joksan, Medan, Midiạn, Jisbak ar Suah.

Genesis 25:2 Iomraidhean Croise

Genesis 25:1

Abraham do Keṭura ńutuman armitʼṭen maejiue baplakedea.

Genesis 25:3

Seba ar Dedan do Joksanren hoponkin tahẽkana. Asuriko, Letusiko ar Leumiko do Dedan bõsren hoṛ kanako.

Genesis 36:35

Husamakʼ gujukʼ tayom Bedadren hopon Hadad do uniyakʼ jaegare raje hoylena. Uni do Moab disạmren Midiạnrenkoe bhagaoketʼkoa. Ar uniyakʼ raj nagraha reakʼ ńutum do Awit tahẽkana.

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Genesis 37:36

Ar Midianko do Misorte Josephko idikedete Poṭiphar ṭhenko ạkhrińkedea. Poṭiphar do Pharaoren mitʼṭen maraṅ rajren kạmiyạ hoṛe tahẽkana, uni do rurukhiyạkoren sordargeye tahẽkana.

1 Rapajko 11:18

Onko do Midiạn khon mohnḍakate Paranteko parom senlena ar onḍe khon thoṛa hoṛ soṅgekate Misorren Pharao raj ṭhenko senlena. Ar Pharao do oṛakʼ-duạr khet-baṛge ar jomakʼko Hadade emadea.

Jobakʼ 2:11

Temani Eliphas, Suhi Bildad, Namathi Sophar ńutuman Jobren pea gate tinre Jobakʼ muhin reakʼ kathako ańjomkeda unre onko do akoakʼ oṛakʼ khonko mohnḍayena. Ar jarwakateko sopolhawana, onko do senkate uni sãoteko dukokʼa ar jiwi raṛecʼko emaea.

Jirimiạ 25:25

Simri, Elam ar Madaeren sanam rapajko;

Numeri 22:4

Onko do Midiạnren murubbikoko lạiyatʼkoa, “Ḍaṅgrako ṭạnḍireko ạtiń leka noko dolrenko do abo beṛhaeteakʼ sanamakʼko siṭhạ cabaea.” Onate Moabren raj Sipor hopon Balak do Beor hopon Biliam hoho ạguiye lạgitʼ hoṛkoe kolketʼkoa. Unre Biliam do Uphreṭis gaḍa aṛe reakʼ acʼren hoṛkoakʼ disạmre Pethor nagrahareye tahẽkana. Balak doe roṛgotʼkada, “Misor disạm khon mitʼ dol hoṛko oḍok hecʼakana. Ar goṭa disạmko chạplạu ạcur akana ar iń samaṅreko girobasokʼ kana.

Numeri 31:2

“Am do Israelko ńutumte Midiạnkoakʼ behok reakʼ hala hạlime. Ar ona tayom do amren hapṛamko ṭhenem calakʼa.

Numeri 31:8

Onko do Midiạnrenko sãote eṭakʼ mõṛẽ goṭen raj hõko gocʼketʼkoa. Onkoakʼ ńutum do hoyokʼ kana, Ebi, Rekom, Sur, Hur ar Reba. Israelko do Beorren hopon Biliam hõ tarwaṛeteko gocʼkedea.