Genesis 24:4 - সান্তালী বাইবেল

⁴ Ona bodolte am do ińakʼ disạmtem calakʼa ar iń bõsrenko mod khon jãhãeṭakʼ kuṛige ińren koṛa Isahak lạgitʼem bachaoea.”

Genesis 24:4 Iomraidhean Croise

Genesis 11:25

Terahwakʼ janam tayom Nahor do arhõ mitʼsae gelare bochor jiwetʼe tahẽkana. Onako dinre uniren do arhõ aema hopon ar hoponerako hoyentaea.

Genesis 12:1

Probhu Isor do Abrame metadea, “Am do amakʼ disạm, ar amren peṛa pạrbhạko ar am apatakʼ oṛakʼ duạr bạgikate iń okaṭakʼ disạmiń udukʼam ona disạmte calakʼme.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

Genesis 24:38

Ona bodolte uniyakʼ apatakʼ oṛakʼte senkate uni bõsren khonge jemon mitʼṭen kuṛi do uniren hopon lạgitʼ bạhu menteń bachaoe.

Genesis 24:5

Noa katha ańjomkate uni guti do Abrahame metadea, “Iń sãote uni kuṛi jodi hijukʼ bae reben, enḍekhan oka disạmem bạgi oṭoakatʼ ona disạmtege cetʼ arhõ amren hoponiń idiyea?”

Genesis 28:1

Rebekawakʼ katha ańjomkate Isahak do Jakob hohoadeteye bhoradea ar noa hukume emadea, “Kanan disạmren okoeṭakʼ kuṛige alom baplakoa.

Genesis 28:2

Am do Padan Aram disạmre am gogoren baba Bethuelakʼ oṛakʼte calakʼme. Ar onḍe tahẽkate am mamaren jãhãeṭakʼ kuṛige baplayem.

2 Bõsbudạ 24:3

Jehoyada do bareyae bạhuade tahẽkana ar uniren koṛa hopon ar kuṛi hoponko hoyentaea.

Ibriko 11:15

Ar oka disạm khonko oḍok hecʼlen ona disạmko uihạr ruạṛ lekhan, enḍekhan ona disạm ruạṛ calakʼ reakʼ joto ạtgeko ńamkea.

Bikʼcạrko 14:3

Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”