Genesis 24:31 - সান্তালী বাইবেল

³¹ Laban do uniye metadea, “E Probhu Isorren bhoranicʼ, dela hijukʼme. Bahrere do cedakʼem teṅgo akana? Iń do am lạgitʼ oṛakʼ ar ũṭko lạgitʼ jaegań ṭhik dohoakada.”

Genesis 24:31 Iomraidhean Croise

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

Genesis 19:3

Menkhan Lot do ạḍiye jorae moṭketʼkin khan unkin do uni sãote senkate uniyakʼ oṛakʼtekin boloyena. Tayomte Lot do bin khạmiyanakʼ piṭhại sekao isinketʼte unkin lạgitʼ mońj jomakʼe tearkeda, arko jom ńũkeda.

Genesis 26:29

jemon amakʼ jãhãnakʼ ale hõ bale loksantam bickom sulukte cetʼlekale bidạ akatʼme onkage amhõ aleakʼ jãhãnakʼ alom loksantalea. Ńitokʼ am do Probhu Isorren bhoranicʼem hoyakana.”

Genesis 29:13

Laban do acʼ misratren hopon Jakobakʼ hijukʼ reakʼ khobore ńamketʼ khan ńir oḍokente uni sãote ńapamokʼe calaoena. Ar hạṛupʼkedeteye cokʼ adea ar acʼakʼ oṛakʼteye ạgukedea. Unre Jakob do acʼakʼ joto katha Labane lạiyadea.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Kạhtukko 17:8

Okoe hoṛ ghuse emokʼ uni ṭhen ona do guni reakʼ dhiri leka; uni jãhã secʼgeye beṅgetʼ ạcur ontege jo bahakʼkana.

Kạhtukko 18:16

Dan do manwa lạgitʼ hore phaelaoa, ona do kisạ̃ṛko ṭhene idi seṭerokʼ kana.

Bikʼcạrko 17:2

Uni do eṅgattetʼe metadea, “Amakʼ oka gelpe keji bar sae gram rupạ kombṛolentam ar okaṭakʼ lạgitʼ sarap emokʼ iń ańjomletʼme ona do iń ṭhenge menakʼa, ona do ińgeń hataoleda.” Unre uniren eṅgattetʼ doe menkeda, “E beṭa, Probhu Isore bhoramma!”

Rut reakʼ kạhini 3:10

Boase roṛ ruạṛkeda, “Probhu Isor do ame bhoram ma. Ńit hạbicʼ okaṭakʼ pạtiạrem udukʼ akatʼ ona khon hõ niạ dhao do ḍher pạtiạrem udukʼ akada, ente kisạ̃ṛ se reṅgecʼ jãhãe koṛa hoṛko ṭhen do bam calao akana.