Genesis 24:3 - সান্তালী বাইবেল

³ Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Genesis 24:3 Iomraidhean Croise

Genesis 14:19

Uni do Abram bhoradeteye metadea, “Serma ar ot okoeye sirjạu akatʼ uni maraṅ Isor do Abrame bhoraema.

Genesis 14:22

Abram do Sodomren raje metadea, “Serma ar ot okoeye sirjạu akatʼ uni maraṅ Probhu Isorakʼ ńutumte ti tulkań kiriạkʼ kana,

Genesis 21:23

Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

Genesis 24:7

Sermaren Probhu Isor do iń ar ińren babawakʼ oṛakʼ duạr ar ińakʼ janam ṭhạ̃i khone oḍok ạgu akadińạ. Uni do iń sãote kathae roṛakada are kiriạ akawạdińa, noa disạm do ińren bõskoe emakoa. Uni do am lahate acʼren goḍet onḍeye kolea jemon hoponińren bạhu hoyokʼ lạgitʼ onḍe khon mitʼṭen kuṛiyem ạguye.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Genesis 28:1

Rebekawakʼ katha ańjomkate Isahak do Jakob hohoadeteye bhoradea ar noa hukume emadea, “Kanan disạmren okoeṭakʼ kuṛige alom baplakoa.

Genesis 28:8

Nonkate Esaue bujhạukeda, acʼ baba Isahak do Kananren maejiuko cetanre bae kusiya.

Genesis 34:9

Ar ale sãote bapla reakʼ bebostaepe. Aperen hoponerako emalepe ar aleren hoponerako hõ ape hataokope.

Genesis 38:2

Onḍe tahen jokhecʼge Suạ ńutuman mitʼṭen Kanan hoṛren hoponerare uni do mẽtʼ lagaoentaea. Ar uni kuṛiye baplakedea.

Genesis 47:31

Unre Jakobe menkeda, “Enḍekhan kiriạwạńme.” Ar Joseph do uni ṭhene kiriạyena. Unre Israel do parkom reakʼ bohokʼreye ombakʼena ar Isore sewawadea.

Genesis 50:25

Ona tayom Joseph do Israelkoe kiriạ ocoketʼkoteye metatʼkoa, “Isor do khạṭige apeye jotonpea. Nonḍe khonpe calakʼre ińakʼ jaṅko hõ iditoraetińpe.”

Genesis 6:4

Isorren hoponko sãote noko kuṛiyakʼ giticʼmidokʼ iạte tinạkʼko janamen onko do onako dinren daṛean hoṛko hoyena. Onako dinre ar ona tayom hõ dhạrtire Nepheliạ ńutuman mitʼ jạtren hoṛko tahẽkana.

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

2 Bõsbudạ 2:12

Hirạm do arhõe olkeda, “Israelren Probhu Isor doe bhạgangea, one okoe do ot ar sermae sirjạu akatʼ. Uni do Dạud raj nonkan mitʼṭen akelan hopone em akawadea uniyakʼ bud ar bujhạu reakʼ daṛe menakʼtae ar okoe do Probhu Isor lạgitʼ mitʼṭecʼ oṛakʼ ar apnar lạgitʼ mitʼṭecʼ raj oṛakʼe benao lạgidokʼkan.

Esra 5:11

Onko doko roṛ ruạṛatʼlea, “Ale do ot ar sermaren Isorren golam kanale. Ale do ona mundil oṛakʼ arhõle benao aroyeda oka do Israelren mitʼṭen maraṅ raj ḍher serma lahareye benaoletʼ tahekan.

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Sereńko 136:26

Ape do sermaren Isor gun manao joharaepe; ente uniyakʼ dulạṛ do jaejuggetaea.

Exodus 20:7

“Amren Probhu Isorakʼ ńutum ạuṛi pạthạuṛi do alom ńumtaea. Ente okoeye onkae Probhu Isor do uniye sạjạiyea.

Exodus 22:11

enḍekhan uni hoṛ ona bae ceka akatʼ ona do Probhu Isor samaṅre kiriạkate ona babotre miṭ maṭkakʼ hoyokʼtaea. Uni janwarren mạlik do ona manao hoyokʼtaea ar jãhãn khuti purun bae dạbi daṛeakʼa.

Exodus 23:13

“Iń okakoń hukumatʼpe ona reakʼ mitʼke mitʼ manaope. Ar jãhãe debotawakʼ ńutumko alope ńuma, ar apeakʼ mocare hõ alo ańjomokʼ ma.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 29:6

Baplakʼpe ar gidrạko janamkope; aperen hoponko bạhuakope ar hoponerako baplakakope jemon onkoren hõ gidrạko hoyokʼtako. Ape do onḍe saṅgekʼpe, ar alope komaokʼa.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Levitikus 19:12

Iń ńutumte eṛe eṛe alope kiriạkʼa ar aperen Isorakʼ ńutum alope besonota. Iń kangeạń aperen Probhu Isor do.

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Numeri 5:21

ar inạ hạbicʼ menkate naeke do uni maejiu cetanre sarap paṛaokʼ reakʼ mitʼṭecʼe kiriạ ocoyea are mena, ‘Probhu Isor do ḍanḍae borocʼ ocoytam ma ar lacʼe puṭritʼ ocoytam ma onate amren hoṛ sarap arko kiriạkʼre amakʼ ńutumko ńuma.

1 Korinthiko 7:39

Jãwãetetʼ tinạkʼ din jiwetʼe tahen, unạkʼ din rinicʼtetʼ do tolgeye tahena, menkhan jãwãetetʼe gocʼlen khan uni doe sạdhinokʼa, ar jãhãegeye kusiyae unigeye bapla daṛeaea, menkhan uni hoṛ do Probhu Isorrenge jemone hoyokʼ.

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Ibriko 6:16

Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Josuạ 2:12

Iń do aben cetanreń pạtiạu akana, onate ńitokʼ aperen Probhu Isor ńutumte iń kiriạwạń ben jemon, aleakʼ gharońj cetanre hõ pạtiạran ben tahen. Ar nonkan mitʼṭecʼ cinhạ imạń ben jemoniń bujhạu daṛeakʼ,

Bikʼcạrko 14:3

Uniren eṅgat apatkin menkeda, “Aboren peṛako se aboren jạtrenko talare cetʼ jãhãn kuṛi do bạnukʼkoa, ar baplakʼ lạgitʼ begor khatna akan Philisṭiko ṭhenem calakʼkana?” Menkhan Samson do apattetʼe metadea, “Baṅa baba, iń lạgitʼ do unige ạguiye ben. Iń do uniregeń kusi akana.”

1 Samuel 20:17

Jonathan do acʼ apnar lekage Dạude dulạṛede tahẽkante uni do Dạud arhõe kiriạ ocokedea.

1 Samuel 30:15

Dạude menkeda, “Onko luluṭko ṭhenem idi daṛeạńạ?” Uni doe roṛ ruạṛkeda, “Isor ńutumte kiriạwạńme bam gojeńa se ińren kisạ̃ṛ ṭhen bam jimạkạńạ. Enḍekhan iń do onko ṭheniń idimea.”