Genesis 24:26 - সান্তালী বাইবেল

²⁶ Unre uni guti do ombakʼente Probhu Isore sewawadea are menkeda,

Genesis 24:26 Iomraidhean Croise

Genesis 22:5

Unre acʼren gutiye metatʼkinạ, “Gadha ar aben do nonḍege tahẽ hataṛokʼben; ar ińren hopon ar iń do onḍeliń calaolenge. Ar onḍe dewa sewa sạtkate arhõ aben ṭhen liń ruạṛ hijukʼa.”

Genesis 24:25

Uni do arhõe menkeda, “Aleakʼ oṛakʼre aema busupʼ ar jomakʼko menakʼa ar tahen lạgitʼ jaega hõ menakʼgea.”

Genesis 24:48

Ona tayom iń do ombakʼkate Probhu Isoriń sewawadea. Ar ińren kisạ̃ṛ Abrahamren Probhu Isoriń sarhaokedea, ente unige iń do ṭhik horteye ạgukedińa jemon iń kisạ̃ṛen boeharen hopontetʼren hoponera do acʼren hopon lạgitʼ iń idiye.

Genesis 24:52

Abrahamren guti do noa katha ańjomkate ombakʼkate Probhu Isore sewawadea.

1 Bõsbudạ 29:20

Tayomte Dạud do sanam hoṛkoe metatʼkoa, “Ape do aperen Probhu Isor sarhaoepe.” Unre onko jotoge akoren hapṛamkoren Probhu Isorko sarhaokedea ar Probhu Isor ar raj ńutumte ombakʼenteko ḍobokʼadea.

2 Bõsbudạ 20:18

Unre Jehosaphat do otreye ombakʼena ar Jihudạ ar Jerusalemren sanam hoṛko hõ Probhu Isor samaṅre otreko ombakʼena.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

Nehemiạ 8:6

Unre Esra do maraṅ Probhu Isore sarhaokedea ar sanam hoṛ do ti tul kateko menkeda, “Amen, Amen.” Ar otre ombakʼkate Probhu Isorko sewawadea.

Sereńko 22:29

Dhạrtiren kisạ̃ṛ hoṛko hõ unre uni samaṅreko jom ńũiya, ar uniko sewawaea; apnarakʼ jiwi bańcao reakʼ dhej bạnukʼtakote okoeyakʼ mitʼ jaṅga do topare menakʼtako, onko hõ uni samaṅreko ikhṛumokʼa.

Sereńko 66:4

Dhạrtiren sanam manwa do lek leka manotko emama; ar onko do am ńutumteko sarhao sereńa; onko do amko sarhaomea.” (Sela)

Sereńko 72:9

Hahaṅkarren hoṛko do uni samaṅreko ombagokʼa. Ar uniren bạiriko do uniko ḍobokʼaea.

Sereńko 95:6

Dela, abo do uni bon sewawae ma; aboren sirjạuicʼ Probhu Isor samaṅre bon ikhṛumokʼma.

Exodus 12:27

Unrepe lạiyakoa, ‘noa do hoyokʼ kana Probhu Isor ńutumte bańcaokʼ porob reakʼ dãṛẽ, ente Misor disạmre tahen jokhecʼ uni do Israelkoakʼ oṛakʼko bad oṭokateye parom senlena. Uni do misrikoe gocʼketʼkoa menkhan ale doe rukhiyạketʼlea.’ ” Inạ tayom Israelko do ombakʼkate Probhu Isorko sewawadea.

Exodus 34:8

Niạ katha ańjomkate Mose do otre ombakʼkate sewawadeteye menkeda, “E Probhu Isor, ińre amakʼ daya menakʼ khan ale sãote dela calakʼme. Noko hoṛ doko keṭecʼ hoṭokʼan kanrehõ enhõ am do aleakʼ behokakʼ ar kạiko ikại taleme ar amren hoṛko mentege ataṅleme.”

Exodus 4:31

Onate Israelko doko pạtiạuena. Ar tinreko ańjomkeda, Probhu Isor do Israelkoakʼ duk sasete ńelakada ar onkoe hiriakatʼkoa unre onko do otre ombakʼkate Probhu Isorko sewawadea.

Mikạ 6:6

Iń do cetʼkoante Probhu Isor samaṅreń hijukʼa ar coṭren Isor samaṅreń omagokʼa? Iń do cetʼ jeredokʼ samaṅokʼakʼ lạgitʼ mitʼ bochor umerren mĩhũkoante uni samaṅreń hijukʼa?

Philipiko lạgitʼ Pạul apostolakʼ ciṭhi 2:10

jemon sermarenko, dhạrtirenko ar ot latarrenko tahenkan onko mitʼke mitʼkoakʼ gunṭhi do Jisu samaṅre ikhṛumokʼtako,

Bikʼcạrko 7:15

Gideon do ona kukmũ reakʼ katha ar ona reakʼ manetetʼ ańjomkate ombakʼente Isore sewawadea. Ar ona tayom do Israelkoakʼ ḍerate ruạṛ hecʼkate ãṭ aṛaṅte hohoateye menkeda, “Ma beretʼpe, Isor do Midiạnrenkoakʼ ḍera ape tireye soprotakada.”

1 Samuel 1:28

Ona iạte gidrạ do Probhu Isorgeń emadea. Ar tinạkʼ din jiwetʼe tahen unạkʼ din nui do Probhu Isorrene tahena.” Ar onko do bohokʼ kuḍburkate Probhu Isorko sewawadea.