Genesis 24:14 - সান্তালী বাইবেল

¹⁴ Onko modren mitʼṭen kuṛiń metaea, ‘amakʼ kanḍa khon dakʼ dulạńte ńũ ocoyińme.’ Ar uni kuṛiye mitạń, ‘ma dakʼ ńũiyme, ar amren ũṭ hõń ńũakoa,’ enḍekhan uni kuṛige jemon amren guti Isahak lạgitʼem bachao akade bạhu doe hoyokʼ. Ar onateń baḍae daṛeakʼa, ińren kisạ̃ṛ emakʼ katham dohoakada mente.”

Genesis 24:14 Iomraidhean Croise

Genesis 15:8

Unre Abrame menkeda, “E Probhu, ińren Isor, iń do cekateń baḍaea, noa disạm do ińakʼ ạidạrire hijukʼa mente?”

Genesis 24:13

Ńelme, noa nagraharen kuṛiko do dakʼ loko oḍokʼ hijukʼ kana, ar iń do noa kuń ṭhengeń teṅgo akana.

Genesis 24:15

Uniyakʼ katha ạuri mucạdokʼrege Rebeka do kanḍa hermetʼkate nagraha khone oḍokʼ hecʼena. Uni do Bethuelren hoponerae tahẽkana. Ar Bethuel do Abrahamren boeha Nahorren bạhu Milkạren hopon kanae.

Genesis 24:18

Rebekae menkeda, “Nõkʼõe, ma ńũiyme.” Noa katha menkate uni do usạra hermetʼ khon pheḍkate dakʼe dulketʼte uniye ńũ ocokedea.

Genesis 24:19

Dakʼe ńũ ocokede tayom Rebeka do uniye metadea, “Amren ũṭko hõ dakʼ iń rakapʼakoa ariń ńu ocokoa.”

Genesis 24:43

Ńelme, iń do noa kuń ṭheniń teṅgo akana. Ar nagraha khon jãhãeṭakʼ kuṛige dakʼ lo lạgitʼe oḍok hijukʼ ar uniń metae amakʼ kanḍa khon dakʼ dulante ńũ ocoyińme.

Genesis 24:44

Onate ińe mitạń, ne ńũiyme ar ińren ũṭko lạgitʼ dakʼe emokʼa, enḍekhan unige iń kisạ̃ṛren hopon lạgitʼ bachao akadeyicʼ bạhu doe hoyokʼma.’

2 Samuel 20:9

Joab do Amasae metadea, “E boeha cetʼ leka menama?” Ar niạ menkate cokʼae lạgitʼ jojom tite uniyakʼ gocoye sapʼketʼtaea.

2 Samuel 5:24

Ar konḍea darekore tinre lạṛhại phạdkoakʼ saḍem ańjoma unre am dom oḍok hijukʼa. Ona reakʼ mane do hoyokʼ kana, Philisṭikoren lạṛhại phạdko ńẽtʼko lạgitʼ Probhu Isor do am laha lahateye calao akana.”

Kạhtukko 19:14

Oṛakʼ duạr ar dhon do apat ṭhen khon ńamokʼa, menkhan budan era do Probhu Isor ṭhen khongeye ńamokʼkana.

Jesaea 7:11

“Am do amren Probhu Isor ṭhen menme jemon uni do mitʼṭecʼ cinhại udukʼam- ar ona cinhạ do patal puri khon serma hạbicʼ jãhãn ṭhạ̃iregeye udukʼam ma.”

Romiko lạgitʼ Pạul Apostolakʼ ciṭhi 1:10

Ińakʼ koejoṅ do noage, jãhã lekate Isorakʼ sanate jemon ape ṭheniń sen daṛeakʼ.

Bikʼcạrko 18:5

Onko do uniko metadea, “Dayakate am do Isor ṭhen khon baḍaeme aleakʼ dãṛãn do jo bahakʼtalea se baṅa.”

Bikʼcạrko 6:17

Gideone menkeda, “Amakʼ dayań ńamakatʼ khan, jemoniń bujhạu daṛeakʼ, sạrige am do iń sãote katham roṛeda ar onate mitʼṭecʼ cinhạ baṛe imạńme.

1 Samuel 20:7

ente, onḍe do onkoren bõskoakʼ bochor reakʼ janwar samaṅokʼakʼ porob hoyokʼkana.’ Uniye menle khan, ‘Bhagegea,’ enḍekhan abenren golam doliń khạtirgea; menkhan uniye raṅgao botejokʼ enḍekhan baḍae ben, ạliń lạgitʼ bạṛicʼakʼ doe ṭhik dohoakada.