Genesis 23:16 - সান্তালী বাইবেল

¹⁶ Ephronakʼ katha ańjomkate Abraham do bạnij beparkoakʼ soṅ lekate pon keji irạl sae gram rupạ uniye soṅadea. Ephron do Hethrenko samaṅre noa pon keji irạl sae gram rupạ reakʼ kathae menleda.

Genesis 23:16 Iomraidhean Croise

Genesis 23:15

“Am do ińakʼ katha ańjomme. Ona jumi reakʼ dam do ponsae sekel rupạ, menkhan iń ṭhen se am ṭhen ona do cetʼge baṅkana. Am do boroṅ senkate onḍege amren bạhu topakaeme.”

Genesis 43:21

Menkhan ḍerate seṭerkate aleakʼ bostale raṛaketʼ khan joto ṭakage apan ạpinakʼ bostarele ńelkeda. Ar ńitokʼ do ona ṭaka hõle ruạṛ ạguakada.

Genesis 49:29

Tayomte Jakob do acʼren hoponko noae metatʼkoa, “Hapṛamko ṭhen calakʼ reakʼ okte hoyakantińạ. Hitti Ephron reakʼ jumire okaṭakʼ dander menakʼ ona danderre ińren hapṛamko ṭhen ińhõ topayińpe.

Genesis 50:13

Onko do uniyakʼ mạ̃ṛĩ Kanan disạmteko idikeda ar Mamre ṭhenakʼ Makpela reakʼ dander ṭhen uniko topakadea. Topa ṭạnḍi benao iạte jumi sudhạ noa danderge Abraham do Hitti Ephron ṭhen khone kirińleda.

2 Samuel 14:26

Bochor reakʼ mucạtʼre uni do upʼe getʼ ocoyetʼtae tahẽkana, ente uniyakʼ upʼ reakʼ hamal do dher idikʼkan tahẽkana. Are soṅle khan ona reakʼ hamal do bar keji tala hoyokʼkan tahẽkana.

2 Samuel 24:24

Raj do Arownae metadea, “Baṅa, ona do baṅ hoyokʼa. Iń do khạṭige damte onań kirińa. Begor damte ńamokʼ nonkan jãhãnakʼge Probhu Isor ńutumte jeredokʼ samaṅokʼakʼ do bạń samaṅa.” Niạ menkate Dạud do mõṛẽ Sekel rupạte ona khạrại ar ḍaṅgraye kirińketʼkoa.

Jobakʼ 28:15

Khạṭi sonate hõ ona do ohoge kirińlena, ar ḍher rupạte hõ ona reakʼ dam do baṅ emogokʼa.

Exodus 30:13

Lekha akan hoṛkoakʼ dolte calakʼ ạurire mimitʼ hoṛ do gel gram ojon reakʼ dhorom sekel reakʼ adha sekelkate emokʼ hoyokʼtakoa. Ar niạ adha sekel do Probhu Isorakʼge hoyokʼa.

Jirimiạ 32:10

Iń do dolelreń suhiyada, ariń mohor chapada ar gohako hõń dohoketʼkoa ar tulạte ona rupạń soṅadea.

Jirimiạ 32:9

Onate iń kakaren koṛa Hanamel ṭhen khon Anathot reakʼ ona jumiń kirińkeda ar mitʼsae irạlgel eae gram rupạń soṅadea.

Jeheskel 45:12

Mitʼ sekelre do bargel gira tahena. Ar mitʼ manehre turui gel sekel tahena.

Sakariạ 11:12

Iń do onkoń metatʼkoa, “Bhagepe hudisetʼ khan ińakʼ kuṛại em kạtińpe; ar bhage bape hudisetʼ khan do doho oṭokakʼpe.” Unre onko do pegel rupạ ṭakako emadińạ.

Mathae 7:12

Hoṛko ṭhen khon cetʼleka beoharpe khojkan onkage ape hõ onko tulucʼ beoharpe. Ente noa kangea Moseyakʼ ạn-ạri ar nạbikoakʼ cecetʼakʼ reakʼ katha do.

Aposkạmi 7:16

Ar onkoakʼ mạ̃ṛĩko do Sikemre idikateko topakada. Noa mạ̃ṛĩ poḍa Abraham do Sikem nagraharen Hamorren hoponko ṭhen khone kirińleda.

Romiko lạgitʼ Pạul Apostolakʼ ciṭhi 13:8

Okoe ṭhen hõ jãhãnakʼge alope dharaoa, eken dulạṛ chaḍa. Okoe eṭakʼkoko dulạṛetʼko onko do Moseyakʼ ạngeko pańja akada.

Philipiko lạgitʼ Pạul apostolakʼ ciṭhi 4:8

E boehako, mucạtʼre noageń mena, okaṭakʼ sạriyakʼkan, okaṭakʼ do lek anakʼkan, okaṭakʼ do niphuṭ ar khạṭige, okaṭakʼ do mońjge, okaṭakʼ do manot ńam lek kan, metakʼme okaṭakʼ do bhageakʼkan ar sarhao ńamokʼ, onako secʼ moneyakʼpe.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,