Genesis 22:6 - সান্তালী বাইবেল

⁶ Noa menkate Abraham do jeredokʼ samaṅokʼakʼ lạgitʼ sahan bojha do acʼren hopone gokʼadea ar acʼ do seṅgel ar chorae hataokeda. Ar ona tayom do mitʼte taṛamkin ehopʼena.

Genesis 22:6 Iomraidhean Croise

Genesis 22:5

Unre acʼren gutiye metatʼkinạ, “Gadha ar aben do nonḍege tahẽ hataṛokʼben; ar ińren hopon ar iń do onḍeliń calaolenge. Ar onḍe dewa sewa sạtkate arhõ aben ṭhen liń ruạṛ hijukʼa.”

2 Rapajko 2:6

Inạ tayom Eliạ do uniye metadea, “Am do nonḍege tahẽ hataṛokʼme; Probhu Isor do jordan gaḍa hanasa parom calakʼe mitạńkana.” Uniye roṛ ruạṛkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana, iń do bạń bạgiwama.” Onate unkin do calakʼtege kin tahẽyena.

Jesaea 53:6

Abo sanamkoge bhiḍiko leka bon asokʼ ṭayokʼlena; abo mimitʼko do apan ạpin horte bon mohnḍalena. menkhan Probhu Isor do aboakʼ sanam ghạṭko acʼreye ladeyana.

Mathae 8:17

Noa do hoyena Jesaea nạbi hotete roṛlenakʼ katha jemon purạukʼ: Uni do aboakʼ sanam nijorakʼkoe hataokeda, ar aboakʼ rogkoe ocokʼketʼ tabona.

Johan 19:17

Ar Jisu do acʼakʼ kurus gokʼkate khạpriko metakʼ mitʼṭecʼ jaegateye senena. Ona jaega reakʼ ńutum do Ibrite Golgothako metakʼkan tahẽkana.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.