Genesis 22:17 - সান্তালী বাইবেল

¹⁷ khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Genesis 22:17 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 13:16

Iń do amren bõsko gitil lekań saṅgekoa. Dhạrti reakʼ gitil jodi jãhãeko lekha daṛeakʼ khan enḍekhan am bõsren hoṛ hõko lekha caba daṛeakoa.

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Genesis 17:6

Iń do amakʼ bõskoń saṅge ocoytama. Ar am khon aema jạtrenkoń sirjạukoa, ar am khon ạḍi utạr rajko janamokʼa.

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Genesis 25:11

Abrahamakʼ gujukʼ tayom uniren hopon Isahak do Isorre bhoradea. Ar Isahak do Ber-lahae-roi ṭhen girobasokʼe ehopʼena.

Genesis 26:24

Ar Probhu Isor do enhilokʼge uni ṭhen ńel ocoyenteye menkeda, “Iń do amren baba Abrahamren Isor kạnạń. Alom botorokʼa, ente iń do am sãote minạńa. Ińren guti Abraham lạgitʼge amiń bhorama ar amakʼ bõskoń saṅge ocoytama.”

Genesis 26:4

Iń do am bõsren hoṛko sermaren ipilko lekań saṅge ocokoa ar noa disạm do onkoń emakoa. Ar amren bõs hotete dhạrtiren sanam jạtrenko do bhorko ńama,

Genesis 28:3

Sanam daṛean Isor do ame bhoramma ar aema hoponren apat hoyokʼ reakʼ daṛeye danama. Uni do am bõsren hoṛkoe saṅge ocokoa. Onko do aema jạtrenko hoyokʼa.

Genesis 28:4

Okaṭakʼ ạsirbad Abrahame emade tahẽkan ona ạsirbadge uni do am ar am bõsren hoṛkoe emakoa. Ar okaṭakʼ disạm Abrahame emade tahẽkan, ar onḍe ńitokʼ porjạtrenko leka menakʼme, ona disạm hõ amakʼ ạidạrire hijukʼa.”

Genesis 32:12

Menkhan am dom metadiń tahẽkana, ‘khạṭige amiń bhạlạiymea ar am bõsren hoṛ do jalapuri reakʼ gitil lekań saṅge ocokoa ar onko do okoehõ bako lekha caba daṛeakoa.’ ”

Genesis 32:13

Jakob do ona ńindạ onḍegeye tahẽ aṅgayena. Ar acʼakʼ okako tahẽkantae onako khon uni do acʼren boeha Esau lạgitʼ mitʼṭecʼ dane ṭhik dohokeda.

2 Samuel 17:11

“Onate noa sopolhań emam kana: Dan khon Ber-seba hạbicʼ doreão aṛe reakʼ alekha gitil leka Israelren sanam hoṛ am ṭhenko jarwakʼma ar am hõ onko tulucʼ lạṛhại oḍok calakʼme.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

1 Rapajko 9:26

Solomon raj do arakʼ jalapuri aṛe Edom disạm reakʼ Elot nagraha ṭhen Esion Geberre dakʼ jahajkoe benao ocokeda.

1 Bõsbudạ 27:23

Dạud do bargel se ona khon kom umerren hoṛ do bae lekhaletʼkoa, ente Probhu Isor do Israelkoakʼ lekha sermaren ipil lekae hoyocokoa menteye gokʼletʼ tahẽkana.

2 Bõsbudạ 1:9

E Probhu Isor, ińren ạpuń Dạud ṭhen okam gokʼ akatʼ ona baṛe ńitokʼ purạume, ente nonkan mitʼ jạtrenko cetanrem raj akadińạ okoe do dhạrtiren dhuṛi leka ohoko lekha caba daṛelen.

Nehemiạ 9:23

Sermaren ipilko leka onko do alekha hoponkom ematʼkoa ar okaṭakʼ disạmte bolokate ona ạidạri reakʼ katha onkoren hapṛamkom metatʼko tahẽkan ona disạmtem aderketʼkoa.

Exodus 32:13

Amren guti Abraham, Isạhak ar Israelakʼ katha hudisme. Amakʼ ńutumte kiriạkatem metatʼko tahẽkana, onkoren bõs do sermaren ipilko lekam saṅgekoa ar amakʼ gokʼakʼ disạm do jaejug reakʼ ạidạri lekate onkoren hoponkom danakoa.”

Jesaea 48:19

Ona chaḍa aperen bõsko do gitil lekako hoyokʼa ar aperen gidrạko do lemeń gitil leka alekhako hoyokʼa. Onkoakʼ ńutum do iń samaṅ khon tishõ baṅ getʼ giḍikʼtakoa se tis hõ baṅ mohor meṭaokʼa.”

Jirimiạ 32:22

Oka disạmre toa, dumur rasa ar jãhãnakʼ reakʼ okulạnge bạnukʼ ona disạm emako reakʼ katha onkoren hapṛamko ṭhenem gokʼleda ar onam ematʼko tahẽkana.

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Hosea 2:1

“Ape do aperen boehape metakoa Ommi (metakʼme ‘ińren hoṛ’) ar aperen miserako do Ruhama (metakʼme ‘dayaren hoṛ).

Mikạ 1:9

Samariạwakʼ ghao do ar baṅ besokʼtaea; ona do Jihudạ ṭhen khon hecʼakana. Ona do ińren hoṛkoakʼ phaṭok hạbicʼ, hẽ, Jerusalem hạbicʼ seṭerakana.

Romiko lạgitʼ Pạul Apostolakʼ ciṭhi 4:13

Abraham ar uniren bõsko ṭhen Isor doe gokʼleda je, noa dhạrti do Abrahamakʼge hoyokʼa. Ạn-ạriko pańjaete do baṅ, menkhan biswạs hotete uni do dhorom menteye lekhayena ar onatege ona gokʼakʼ do doholena.

Romiko lạgitʼ Pạul Apostolakʼ ciṭhi 9:27

Jesaea nạbi hõ Israelko reaṅe roṛleda, “Israel hoponko reakʼ lekha do jalapuri reakʼ gitil unạkʼlenre hõ eken sarecʼkoge bańcaoko ńama.

1 Korinthiko 15:57

Menkhan Isore sarhaokʼma, one uni jite emabon kan aboren Probhu Jisu Mạsi hotete.

Ephesiko lạgitʼ Pạul Apostolakʼ ciṭhi 1:3

Aboren Probhu Jisu Mạsiren Baba ar Isorakʼ sarhao hoyokʼtae ma. Abo do Mạsi tulucʼ bon kolom mitʼ akante Isor do serma reakʼ mitʼke mitʼ jiuanakʼ bhore dan akatʼbona.

Dosar Biboron 1:10

Aperen Probhu Isor do nunạkʼe saṅge ocoakatʼpea je, teheń ape do sermaren ipil lekape saṅge akana.

Dosar Biboron 1:11

Aperen hapṛamkoren Probhu Isor do arhõ hajar doboṛe saṅge ocopema ar acʼakʼ gokʼakʼ lekageye bhorape ma.

Dosar Biboron 10:22

Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

Dosar Biboron 21:19

enḍekhan uniren go-baba do ạkinakʼ ato se nagraha reakʼ phaṭok duạrre murubbiko ṭhenkin idiyea.

Ibriko 11:12

Onate umer secʼte gocʼ barag hoṛmo hoekatere hõ Abraham do sermaren ipil leka ar jalapuri aṛe reakʼ gitil leka ạḍi utạr gidrạkoren apate hoylena.

Ibriko 6:14

Uni do noa menteye kiriạlena, “Iń do khạṭigeń bhorama ar amakʼ bõsrenkoń saṅge ocokoa.”

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.