Genesis 22:1 - সান্তালী বাইবেল

¹ Noako ghoṭna tayom Isor do Abraham biḍạureye paṛao ocokedea. Isor do uniye hohowadea, “E Abraham.” Abrahame roṛ ruạṛkeda, “Minạńgea.”

Genesis 22:1 Iomraidhean Croise

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Genesis 21:11

Gidrạ Ismael iạte Abrahamakʼ mon do bạṛicʼentaea.

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 22:7

Unre Isahak do acʼren apate metadea, “E ba.” Abrahame menkeda, “Hẽ beṭa cetʼem meneda?” Isahake menkeda, “Jeredokʼ samaṅokʼakʼ lạgitʼ sahan ar seṅgel ma menakʼ talaṅge, menkhan alaṅren samaṅokʼ lạgitʼ bheḍa hopon do ukuricʼ ?”

Genesis 37:13

Unre mitʼ din Israel do Josephe metadea, “Dadamtako do Sikemre merom ar bhiḍi palko gukʼpikana. Ar ińakʼ monejoṅakʼ do noage am do onko ṭhenem calakʼa.”

Genesis 46:2

Isor do ńindạ jokhecʼ Israel tulucʼ kukmũ talate kathae roṛkeda. Uni doe hohokeda, “E Jakob, E Jakob.” Jakobe roṛ ruạṛkeda, “Minạńgea.”

2 Samuel 24:1

Probhu Isor do arhõ Israelko cetanre pit caṛhaoentaea. Uni do onko upạrte Dạude uskurkedeteye metadea, “Am do senkate Israel ar Jihudạren hoṛkom lekhakoa.”

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Exodus 16:4

Unre Probhu Isor do Moseye metadea, “Iń do serma khon jạṛi dakʼ leka jomakʼ iń ńur ocoya. Ar hoṛko do dinạm hilokʼ bahrete senkate enhilokʼ reakʼ jomakʼko halaṅ joṅa. Ar ińakʼ hukum lekako senokʼa se baṅ ona reaṅ iń biḍạukoa.

Exodus 3:4

Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Jesaea 6:8

Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

1 Korinthiko 10:13

Manwa jionre okako biḍạu hoyokʼkan ona chaḍa eṭakʼ jãhãn biḍạu do ar baṅ paṛao akawatʼpea. Isor doe pạtiạrgete, sahao daṛeakʼ khon bạ̃ṛti do bae biḍạupea, bickom biḍạu são sãote ona khon oḍokokʼ reakʼ hõe horapea, jemonpe sahao daṛeakʼ.

Dosar Biboron 13:3

Enḍekhan uni nạbi se kukmũ ńeńel hoṛakʼ katha alope ańjomtaea. Ente aperen Probhu Isor do mon ar ontortepe dulạṛedekana se baṅa ona ńel lạgitʼ biḍạureye paṛao ocoyetʼpea.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Dosar Biboron 8:2

Disạipe, aperen Probhu Isor do pongel bochor hạbicʼ hahaṅkarreye dãṛã ạyur ocoketʼpea mente. Apeakʼ bạḍạiko rạpudtape lạgitʼ ar monre menakʼtapeakʼ, metakʼme uniyakʼ hukumkope manaoa se baṅa, ona biḍạu aṭkarpe lạgitʼ uni do noae kạmi akada.

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.

Jakob 2:21

Aboren hapṛam Abraham do acʼren hopon Isạhak pinḍreye dãṛẽyede tahẽkanre ona kạmi lạgitʼ cetʼ uni do dhorom mente bae aṅgoclena?

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Bikʼcạrko 2:22

Ar akoren hapṛamko leka ińakʼ horteko calakʼa se baṅa ona do noko jạtrenko hoteteń biḍạukoa.”

1 Samuel 3:4

Un jokhecʼ Probhu Isor do Samuele hohoadea. Ar Samuel doe roṛ ruạṛkeda, “Nõkʼõe minạńgea.”