Genesis 21:8 - সান্তালী বাইবেল

⁸ Isahak doe harayena ar gogowakʼ toa ńũ tise bạgiketʼ enhilokʼge Abraham do mitʼṭecʼe bhojkeda.

Genesis 21:8 Iomraidhean Croise

Genesis 19:3

Menkhan Lot do ạḍiye jorae moṭketʼkin khan unkin do uni sãote senkate uniyakʼ oṛakʼtekin boloyena. Tayomte Lot do bin khạmiyanakʼ piṭhại sekao isinketʼte unkin lạgitʼ mońj jomakʼe tearkeda, arko jom ńũkeda.

Genesis 21:7

Uni do arhõe menkeda, “Sara okoeṭakʼ hopon toae ńũnũae noa katha Abraham do okoe lahareye lại daṛekea? Menkhan uniyakʼ noa haṛam umerrege uniren gidrạ do ińakʼ hoborreye hecʼena.”

Genesis 21:9

Sarae ńelkeda, Hagarakʼ kukhire Abrahamren okoeṭakʼ gidrại janamlen uni ṭhen Isahak doe nisṛạu ocokʼkana.

Genesis 26:30

Noa tayom Isahak do onko lạgitʼ bhoje sapṛaokeda, arko jom ńũwana.

Genesis 29:22

Unre Laban do ona ṭhạ̃iren sanam hoṛkoe hohoatʼkote mitʼṭecʼe bhojkeda.

Genesis 40:20

Niạ pe din hilokʼre Pharao do acʼ tabereko kạmikan hoṛko lạgitʼ mitʼṭecʼe bhojkeda. Enhilokʼ uni do acʼakʼ janam din tahẽkantaea. Pharao do acʼren darkha rasa dudulicʼ ar piṭhạ bekʼnaokoren sordare oḍokketʼkinte onko samaṅreye ạguketʼkinạ.

2 Samuel 3:20

Abner do acʼ sãote bargel hoṛ soṅgekate tinre Hebronte Dạud ṭhene seṭerena unre Dạud do uni ar uniren hoṛko lạgitʼ mitʼṭecʼe bhojkeda.

1 Rapajko 3:15

Inạ tayom Solomon doe ebhenena are bujhạukeda, uni doe kukmũkan tahẽkana. Tayomte Solomon do Jerusalemteye ruạṛ calaoena ar Probhu Isorakʼ goha tạmbu samaṅreye teṅgoyena ar ạḍi utạr janwarkote jeredokʼ samaṅokʼakʼ ar sulukren samaṅokʼakʼe samaṅkeda. Ar ona tayom do acʼren sanam kạmiyạko lạgitʼ mitʼṭecʼe bhojkeda.

Ester 1:3

Uniyakʼ rajokʼ tesar bochorre uni do acʼren sanam cetan hudạren hoṛko ar kạmiyạko lạgitʼ mitʼṭecʼe bhojkeda. Onko modre Paras ar Madae disạmren Senaputiko manotan hoṛko ar disạmkoren cetan hudạren hoṛko tahẽkana.

Sereńko 131:2

Ińakʼ jiwi do thir ariń hape akatʼtińạ; eṅgat ṭhen khon toa nunu bạgiyakatʼ gidrạ leka, mitʼṭen nunu bạgiyakatʼ gidrạ leka ińakʼ jiwi do iń ṭhen menakʼa.

Hosea 1:8

Lo-ruhamah do toa ńũńũi bạgiketʼ khan Gomer do arho mitʼṭen hopone janamkedea.

Bikʼcạrko 14:10

Ar Samsonren apattetʼ do uni kuṛi ńele lạgitʼe senena. Unre Samson do onḍe mitʼṭecʼ bhoj reakʼe bebostakeda ente jãwãe koṛa doko onkayetʼ tahẽkana.

Bikʼcạrko 14:12

Samson do onko sãotenkoe metatʼkoa, “Mitʼṭecʼ iń kudum apea. Ar ape do bhoj reakʼ niạ eae din bhitrire noa reakʼpe roṛ ruạṛ daṛeạń khan iń do pe gel mĩhĩ musnạ oyonakʼ ar pe gel goṭecʼ kicricʼ iń emapea.

1 Samuel 1:22

menkhan Hanna do bae senlena. Uni do acʼren jãwãetetʼe metadea, “Gidrạ toa nunui bạgile khange iń do Probhu Isor samaṅreń idiyea jemon jonom bhor onḍegeye tahẽdaṛeakʼ.”

1 Samuel 1:24

Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.

1 Samuel 25:36

Abigael do Nabal ṭhen tinreye ruạṛ calaoena unre raj oṛakʼre leka uniyakʼ oṛakʼre kheloḍ ehopʼ akane ńelkeda. Unre Nabal do bubulakʼ ńũkateye kusiyena ar ạḍiye ńũ bulena. Ona iạte Abigael do ạuri setagokʼ hạbicʼ cetʼge bae metadea.