Genesis 21:6 - সান্তালী বাইবেল

⁶ Sarae menleda, “Isor doe landa ocokedińa, ar ona katha ańjomkate eṭakʼko hõko landaea.”

Genesis 21:6 Iomraidhean Croise

Genesis 17:17

Noa katha ańjomkete Abraham do otreye ombakʼena ar landawate mon monteye menkeda, “Enḍekhan sạrige mitʼ sae umerren haṛamren hopone hoyokʼa, ar uni are gel umerren maejiuakʼ kukhire!”

Sereńko 113:9

Bạńjhi do gidrạkoren rạskạwạnicʼ gogoye hoyocoyedea ar soṅsar reakʼ purạ ạidạri hõe emaekana. Probhu Isorakʼge sarhao hoyokʼtae ma.

Sereńko 126:2

Unre aboakʼ mẽtʼãha do rạskạte perecʼena, ar alaṅ do hulạskote. Unre eṭakʼ jạtren hoṛko roṛetʼ tahẽkana, “Probhu Isorge onko lạgitʼ aema bhageakʼe kạmi akada.”

Jesaea 49:15

Ona iạte Probhu Isore meneda, “Gogo do cetʼ acʼren nunu gidrại hiṛiń daṛekea? Gidrạ janam akadiyicʼ do cetʼ gidrạ cetanre bae mãyãkʼa? Hẽ, Eṅgat do acʼren gidrại hiṛiń daṛekea menkhan iń do tishõ bạń hiṛińmea.

Jesaea 49:21

Unre am do mone monetem mena, ‘noko do okoeye janam akawạdińa? Iń do hoponkoń atʼletʼkote bạńjhi lekań hoylena; ariń sạṅgiń ocolena; iń doń ńir baṛaekan tahẽkana. Enḍekhan noko do okoeye ạsul haraketʼkoa? Iń ma coṅ eskargeń giḍi ocolen, menkhan noko? Noko do oka khonko hecʼakana?’ ”

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jirimiạ 20:15

“Amren do mitʼṭen koṛa hopone hoyakana,” Niạ sombat iạte ińren ạpuń okoeye rạskạ ocolede uni do sarapanicʼe hoyokʼma.

Luk 1:14

Uni do amakʼ jionre maraṅ rạskạwạnicʼe hoyokʼa ar uniyakʼ janam khạtirte arhõ ạḍi utạr hoṛko rạskạkʼa.

Luk 1:58

Ar uni cetanre Probhu Isorakʼ aema mãyã reakʼ katha ańjomkate aḍepaserenko ar peṛako do uni sãote rạskạkʼko ehopʼena.

Romiko lạgitʼ Pạul Apostolakʼ ciṭhi 12:15

Okoeko rạskạkʼkan onko tulucʼ rạskạkʼpe; ar rakʼ joṅko tulucʼ do rakʼjoṅpe.

Ibriko 11:11

Sara do gidrạ hoyokʼ reakʼ umer parom calaolentaere hõ biswạs iạtegeye bhạrti hoṛmolena, ente uni do biswạs tahẽkantaea, okoeye gokʼakawade uni doe pạtiạrgea mente.

1 Samuel 1:26

Hannae menkeda, “E baba, amge ińren goha dohokateń kiriạkʼ kana, iń kangeạń uni maejiu do one am samaṅre nonḍe teṅgokate Probhu Isor ṭheniń koejoṅkan tahẽkan.