Genesis 21:23 - সান্তালী বাইবেল

²³ Onate am do Isor ńutumte ńit iń ṭhen noa kiriạkʼme, iń ar ińren hoponko sãote se ińren bõsko sãote am do eṛe bam beohara. Cetʼ leka am tulucʼ pạtiạr salakʼ iń beohar akatʼ, ṭhik onkage amhõ iń sãote ar oka disạmre upriạ menam ona disạmren hoṛko sãote pạtiạr salakʼem beohara.”

Genesis 21:23 Iomraidhean Croise

Genesis 20:14

Niạ tayom Abimelek do thoṛa bhiḍi, ḍaṅgra ar guti-kạ̃ṛmĩko Abrahame emadea, ar ona sãote uniren bạhu Sara hõe ruạṛkadea.

Genesis 21:24

Abrahame menkeda, “Hẽ, iń doń kiriạkʼ kana.”

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Genesis 26:28

Onkoko menkeda, “Ale do ńitokʼ saphatele ńeleda Probhu Isor do am tulucʼ menaea. Ar onatele ṭhik dohoakada am ar ale talare mitʼṭecʼ cukti tahen do jạruṛgea. Onate dela, noa bon kiriạlenge,

Genesis 31:44

Ona khon bickom dela, alaṅ talare mitʼṭecʼ bondobos laṅ bandhaoa jemon alaṅ talare goha leka tahen.”

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

Genesis 39:3

Ar uniren kisạ̃ṛ doe ńelkeda Probhu Isor do Joseph sãore menaete uniyakʼ joto lekan kạmireye jo baha ocoyedekana.

Genesis 47:31

Unre Jakobe menkeda, “Enḍekhan kiriạwạńme.” Ar Joseph do uni ṭhene kiriạyena. Unre Israel do parkom reakʼ bohokʼreye ombakʼena ar Isore sewawadea.

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

2 Korinthiko 1:23

Iń do Isorge apnar jiwite goha menteń ńumekana, sạjại khon bańcaope lạgitʼge iń do Korinthite bạń sen ruạṛ akana.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Ibriko 6:16

Manwa do acʼ khon okoeye maraṅa uni ńutumtegeye kiriạkʼ kana. Onate ona kiriạ do noa khạṭitetʼe kajakaea, oka roṛakan ona do sạrigea mente, ar nonkate joto gulmal do cabakʼa.

Josuạ 2:12

Iń do aben cetanreń pạtiạu akana, onate ńitokʼ aperen Probhu Isor ńutumte iń kiriạwạń ben jemon, aleakʼ gharońj cetanre hõ pạtiạran ben tahen. Ar nonkan mitʼṭecʼ cinhạ imạń ben jemoniń bujhạu daṛeakʼ,

1 Samuel 20:13

Ar ạlińren baba abenakʼ bhạlại bae khoj ar ạliń bạliń baḍae ocoben ar nirạite bạliń kolben enḍekhan Probhu Isor do sạjạiye emalińma ona botor sạjạige. Probhu Isor do cetʼleka ạlińren baba sãoteye tahẽkan aben sãote hõ onkage baṛeye tahenma.

1 Samuel 20:17

Jonathan do acʼ apnar lekage Dạude dulạṛede tahẽkante uni do Dạud arhõe kiriạ ocokedea.

1 Samuel 20:42

Jonathan do Dạude metadea, “Aben do nirạite calakʼben, ente alaṅ do Probhu Isor ńutumte kiriạkate laṅ men akada, ‘Aben ar ạliń talare ar aben ar ạlińren bõsko talare jaejugren goha do Probhu Isorgeye tahẽyena.’ ” Inạ tayom Dạud do bidại hataokeda ar Jonathan do nagrahateye ruạṛ calaoena.

1 Samuel 30:15

Dạude menkeda, “Onko luluṭko ṭhenem idi daṛeạńạ?” Uni doe roṛ ruạṛkeda, “Isor ńutumte kiriạwạńme bam gojeńa se ińren kisạ̃ṛ ṭhen bam jimạkạńạ. Enḍekhan iń do onko ṭheniń idimea.”