Genesis 21:22 - সান্তালী বাইবেল

²² Ona oktere Abimelek ar acʼren maraṅ senapoti Pikol do Abraham ṭhen hecʼkatekin menkeda, “Am jãhãnakʼgem kạmiyetʼ amakʼ joto kạmirege Isor do am sãote menaea.

Genesis 21:22 Iomraidhean Croise

Genesis 20:14

Niạ tayom Abimelek do thoṛa bhiḍi, ḍaṅgra ar guti-kạ̃ṛmĩko Abrahame emadea, ar ona sãote uniren bạhu Sara hõe ruạṛkadea.

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Genesis 20:2

Onḍe acʼren bạhu Sara do arhõ acʼren misera menteye lạikedea. Ona iạte onḍenicʼ Abimelek raj do hoṛ kolkate Sara acʼ ṭhene ạgukedea.

Genesis 26:26

Noa tayom Abemelek do acʼren muntri Ahusat ar maraṅ subedar Pikol soṅgekate Gera khon Isahak ṭhene hecʼena.

Genesis 26:28

Onkoko menkeda, “Ale do ńitokʼ saphatele ńeleda Probhu Isor do am tulucʼ menaea. Ar onatele ṭhik dohoakada am ar ale talare mitʼṭecʼ cukti tahen do jạruṛgea. Onate dela, noa bon kiriạlenge,

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

Genesis 30:27

Menkhan Laban do uniye metadea, “Ạliń cetanre abenakʼ jãhãn bekusiyakʼ menakʼ khan enḍekhan alo ben calakʼa. Ạliń liń bujhạu daṛeakʼ kana, Probhu Isor do aben iạtege ạliń doe bhor akawatʼlińa.”

Genesis 31:5

Ona tayom unkine metatʼkinạ, “Ińiń ńeletʼa abenren babawakʼ mẽtʼãhã do pạhil leka kharsala ińre bạnukʼtaea, menkhan iń babaren Isor do iń sãote menaea.

2 Samuel 24:7

Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

2 Bõsbudạ 1:1

Dạudren hopon Solomon do acʼakʼ rajosṭi ạḍi kajakge acʼ tabereye dohokeda, ente uniren Probhu Isor do uni sãoteye tahẽkana ar ạḍiye maraṅkedea.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Sakariạ 8:23

Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

1 Korinthiko 14:25

Onate acʼakʼ ontor reakʼ okoakʼko sodorokʼtae, ar uni do otre ombakʼkate Isor sarhaoeteye mena, “Sạrige Isor do apere menaegea.”

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Josuạ 3:7

Unre Probhu Isor do Josuại metadea, “Teheń khon sanam Israelkoakʼ mẽtʼre amakʼ manotiń ḍher ocoya, jemonko bujhạu daṛeakʼ, iń cetʼleka Mose sãoteń tahẽkan onkage am sãore hõ minạńa mente.

Johan sodor 3:9

Okoe apnarte Jihudiko ńumogokʼkan, menkhan Jihudiko baṅkan, onko Soetanakʼ dolren eṛe hoṛko am ṭheniń ạgukoa ar amakʼ jaṅga ṭheniń sewa ocokoa, ariń baḍae ocokoa, iń do amiń dulạṛetʼmea.

1 Samuel 24:22

Ar Dạud do Sạul ṭhen onageye kiriạyena. Ona tayom Sạul do oṛakʼteye ruạṛ calaoena, ar Dạud do acʼren hoṛkoante gaṛko metakʼkan ona buruteye rakapʼ calaoena.

1 Samuel 3:19

Nonkage Samuel doe hara idiyena ar Probhu Isor do uni sãoteye tahẽyena ar nạbi lekate roṛakʼ oka kathage Probhu Isor do bae ạuṛiyakʼ ocoletʼtaea.